ԱՄՆ Ներկայացուցիչների պալատի մի խումբ հանրապետականներ հանդես են եկել նախաձեռնությամբ, որը Դոնալդ Թրամփին կտա Գրենլանդիան գնելու օրինական լիազորություն, ինչի մասին նա բազմիցս հայտարարել է նախկինում: Այս մասին հայտնում է Fox News-ը։
Օրինագիծը, որը կոչվում է Վերադարձնենք Գրենլանդիային երբեմնի հզորությունը (Make Greenland Great Again Act) ներկայացվել է Թենեսի նահանգի կոնգրեսական Էնդի Օգլսի և նրա տասը կուսակիցների կողմից:
Օրինագիծը նախատեսում է, որ ԱՄՆ գործող նախագահն իրավունք կունենա իր երդմնակալությունից հետո բանակցություններ սկսել Դանիայի կառավարության հետ Գրենլանդիայի ձեռքբերման շուրջ։ Համաձայնության գալուց հետո պետության ղեկավարը պարտավոր է այդ մասին տեղեկացնել Կոնգրեսին, որը վերահսկում է բյուջետային միջոցների բաշխումը։
Հունվարի 13-ին Դոնալդ Թրամփի վարչակազմում ԱՄՆ նորընտիր փոխնախագահ Ջեյ Դի Վենսն ասել է, որ ամերիկյան իշխանությունները Գրենլանդիայում ռազմական ուժ կիրառելու կարիք չունեն, այլ կղզում «գործարք կարող է կայանալ»։
Բաց մի թողեք
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը
ԵՄ-ն ստուգում է՝ արդյոք Booking.com-ը բավարար միջոցներ ձեռնարկո՞ւմ է կեղծ հայտարարությունների և ֆիշինգային խարդախությունների դեմ պայքարելու համար
Լիտվայում հայտնաբերվել է սինթետիկ թմրամիջոցների խոշոր լաբորատորիա, որը ղեկավարել է Նիդերլանդների քաղաքացի