Ռուսաստանի և Իրանի նախագահներ Վլադիմիր Պուտինը և Մասուդ Փեզեշքիանը ստորագրել են երկու երկրների միջև համապարփակ ռազմավարական գործընկերության մասին պայմանագիրը:
Փաստաթուղթը նախատեսված է փոխարինելու Ռուսաստանի և Իրանի միջև հարաբերությունների հիմունքների և համագործակցության սկզբունքների վերաբերյալ գործող համաձայնագրին, որը ստորագրվել է դեռևս 2001 թվականին։ Նոր համաձայնագրի վրա աշխատանքները տարվել են 2022 թվականից։
Ինչպես ավելի հայտնել էր Կրեմլը, փաստաթուղթն արտացոլում է երկկողմ հարաբերությունների նոր, առավել բարձր մակարդակ։
ՌԴ ԱԳ նախարար Սերգեյ Լավրովն ընդգծել է, որ Ռուսաստանի և Իրանի միջև նոր համաձայնագիրն ուղղված չէ որևէ երկրի դեմ։ Նրա խոսքով՝ համաձայնագիրը կառուցողական է և ուղղված է Ռուսաստանի և Իրանի կարողությունների ամրապնդմանը աշխարհի տարբեր մասերում՝ տնտեսությունն ավելի լավ զարգացնելու, սոցիալական հարցերը լուծելու և պաշտպանունակությունը հուսալիորեն ապահովելու նպատակով։
Իրանի արտգործնախարար Աբբաս Արաղչին ասել է, որ համաձայնագիրը ներառում է երկու երկրների համագործակցության բոլոր ասպեկտները։ Նրա խոսքով՝ փաստաթուղթը ոչ միայն քաղաքական է, այլ նաև ապագայի ճանապարհային քարտեզ է։
Իրանի ԱԳՆ ղեկավարը նշել է համաձայնագրի երեք հիմնական ուղղությունները՝ տնտեսագիտություն, տեխնոլոգիա և հումանիտար կապեր։ Նոր փաստաթղթի կարևոր ասպեկտը կլինի պաշտպանության և անվտանգության ոլորտում համագործակցության ամրապնդումը։
Իրանի ԱԳՆ ղեկավարի խոսքով՝ համաձայնագիրը նախատեսում է նաև Հյուսիս-Հարավ միջազգային տրանսպորտային միջանցքի ավարտը և ապրանքաշրջանառության ծավալների ավելացումը։
Թեհրանն ու Մոսկվան, նոր համաձայնագրի շրջանակներում, մտադիր են համագործակցել էներգիայի արտադրության, փոխանցման և արտահանման ոլորտում։ Նախատեսվում է նաև նոր տեխնոլոգիաների փոխանցում վերականգնվող էներգիայի ոլորտում։
Բացի այդ, Ռուսաստանի Դաշնության և Իրանի միջև կնքված ռազմավարական համաձայնագիրը կհեշտացնի զբոսաշրջիկների ճանապարհորդության պայմանները և կստեղծի համատեղ մշակութային ծրագրեր։
Բաց մի թողեք
Ձևավորվել է ոչ թե տնտեսական քաղաքականություն, այլ արտաքին կոնյուկտուրային տնտեսական էֆեկտը յուրացնելու ռեժիմ
Արտաքին սադրիչների մասնակցությունը խանգարում է ընկերության ղեկավարության և կոլեկտիվի միջև կառուցողական աշխատանքային մթնոլորտին
Ռուբլին էժանացել է, դոլարը՝ թանկացել․ փետրվարի 10-ի ներկայացված տարադրամի փոխարժեքներն են