Թբիլիսիի տրանսպորտն անվճար է սպասարկում ուղևորներին. պատճառը․ Տեսանյութ

Թբիլիսիում հաքերները «կոտրել» են տրանսպորտի վալիդատորները:

Վճարային համակարգի վրա կիբերհարձակման պատճառով Թբիլիսիի հասարակական տրանսպորտն անվճար է սպասարկում ուղևորներին։

«Սարքերը կմիանան խնդիրը վերացնելուն պես, այդ ընթացքում տրանսպորտը կսպասարկի ուղեւորներին անվճար, հայտնել է Թբիլիսիի քաղաքապետարանը։

Տեսանյութը՝ այստեղ

Այս մասին լրագրողների հետ զրույցում հայտնել է Թբիլիսիի քաղաքապետ Կախա Կալաձեն՝ տեղեկացնելով, որ համակարգն անջատելու որոշում է կայացվել:

Հաքերային հարձակման հետևանքով ավտոբուսների և միկրոավտոբուսների ուղևորների կողմից քարտերով ուղեվարձ վճարելիս տրանսպորտում հնչել են Վրաստանի և Եվրամիության օրհներգերը, վրացի քաղաքական նախկին գործիչների խոսքերից հատվածներ, «Կեցցե Վրաստանը, կեցցե Ուկրաինան» բացականչություններ։

«Հետաքննությամբ անպայման կպարզվի, թե որտեղից է իրականացվել կիբերհարձակումը։ Ներկա պահին ավտոբուսների և միկրոավտոբուսների ուղեվարձերը չեն գանձվում։ Աշխատանքներ են տարվում վճարային համակարգը վերականգնելու ուղղությամբ»,- ասել է նա։