Սլովակիայի վարչապետ Ռոբերտ Ֆիցոյի գլխավորած կառավարության դեմ բողոքի զանգվածային գործողություններ են սկսվել։
Ցուցարարները փողոցներ են դուրս եկել «Սլովակիան Եվրոպա է» կարգախոսով։ Դրանք կազմակերպվել են «Խաղաղություն Ուկրաինային» ուկրաինամետ կազմակերպությունը։
Բրատիսլավայում ցույցին մասնակցել է շուրջ 60 հազար մարդ։
Ավելի վաղ վարչապետ Ֆիցոն երկրում պետական հեղաշրջում նախապատրաստելու մեղադրանք էր հնչեցրել ընդդիմադիր «Առաջադեմ Սլովակիա» կուսակցության հասցեին՝ նշելով, որ երկիր են ժամանել օտարերկրացիներ, որոնք կարող են բողոքի հանրային գործողություններ կազմակերպելու և վարչական շենքերը գրավելու միջոցով ձեռնարկել օրինական իշխանությունը տապալելու փորձ:
Սլովակիայի ղեկավարը նշել էր, որ ցույցերի կազմակերպիչներն առնչվում են նաև Վրաստանում և Ուկրաինայում տարբեր տարիներին տեղի ունեցած իրադարձությունների հետ:
Ցույցերի կազմակերպիչներն իրենց հերթին հերքել են Սլովակիայում իշխանափոխություն կատարելու մեղադրանքները: Նրանք դիմել էին երկրի գլխավոր դատախազություն՝ խնդրելով ստուգել վերջին շրջանում վարչապետ Ռոբերտ Ֆիցոյի քայլերը Ռուսաստանի հետ հարաբերություններում:
Բաց մի թողեք
Ֆրանսիան դառնում է Եվրոպայում առաջին երկիրը, որը պաշտոնապես արգելում է սոցիալական ցանցերը 15 տարեկանից փոքրերի համար
Ալիևը պնդում է, որ Ռուսաստանի և Գերմանիայի նախկին պաշտոնյաները Բաքվում են Ուկրաինայի հարցով հնարավոր հանդիպման համար
Ուկրաինայի «Fire Point» ընկերության գործադիր տնօրեն. Գերմանիան կարող է հույս դնել մեզ վրա խորը հարվածի զսպման համար