Թբիլիսիում նոր թափ են ստացել և շարունակվում են բողոքի ցույցերը:
Վրաստանի ՆԳՆ աշխատակիցները Թբիլիսիի մուտքի մոտ ցույցի ժամանակ ձերբակալել են ընդդիմադիր «Հանուն փոփոխությունների կոալիցիա»-ի առաջնորդը Նիկա Մելիային։
Մելիան բերման է ենթարկվել իրավապահների հետ ծեծկռտուքի արդյունքում։ Հայտնի չէ, թե ինչ հոդվածով է ձերբակալվել քաղաքական գործիչը։
Թբիլիսիում փետրվարի 2-ի երեկոյան և լույս 3-ի գիշերը հանրահավաք է տեղի ունեցել որն ընթացել է Վրաստանի մայրաքաղաքի մուտքի մոտ։ Ցուցարարները հավաքվել են «Թբիլիսի մոլ» առևտրի կենտրոնում, որից հետո որոշել են երթ կազմակերպել՝ փակելու մայրաքաղաքի մուտքն ու ելքը։
Ծեծկռտուք է սկսվել, և ցուցարարներին հաջողվել է մասամբ փակել ճանապարհի այն հատվածը, որը տանում է Թբիլիսիից։
Մելիայի ձերբակալությունն ուղեկցվել է քաշքշուկով, իրավապահների հետ վեճով ու հրմշտոցով:
Տեղական լրատվամիջոցների հաղորդմամբ՝ ձերբակալվել է նաև Թբիլիսիի նախկին քաղաքապետ Գեորգի Ուգուլավան:
Բաց մի թողեք
Ամփոփել է վարչապետության շրջանն ու հեռացել նստավայրից
Հաղթանակի առիթով 2 միլիոն մարդ է դուրս եկել փողոց. Լուսանկար
«Լիվերպուլի» և Անգլիայի հավաքականի նախկին աստղ Քևին Քիգանը մահացել է 75 տարեկանում. Լուսանկար