Համացանցում տեսանյութ է տարածվել, թե ինչպես է թոռնուհին տակառով տեղափոխում սպանված պապի և տատի մարմինների կտորները։
Հայտնաբերվել են Սամարայի նախկին քաղաքապետ Վիկտոր Տարխովի և նրա կնոջ՝ Նատալյայի դիակների որոշ մասերը։
Նախօրեին իրավապահները ձերբակալել էին նախկին պաշտոնյայի թոռնուհուն՝ Եկատերինա Բելսկայային (կրկնակի սպանության համար գլխավոր կասկածյալն է)։
Կինը փողի, այդ թվում՝ թմրանյութերի համար, սպանել է իր հարազատներին։
Մոտ 1 ամիս առաջ նա սպանել է նրանց, մասնատել, մարմնի մասերը աստիճանաբար դուրս է բերել տնից ու տաքսիով տարել։ Որոշները մնացել են բնակարանում ձերբակալության պահին։
Բելսկայան չի ընդունել իր մեղքը, հրաժարվել է հետաքննության հետ համագործակցել։
Տեսանյութում երեւում է, թե ինչպես է Եկատերինա Բելսկայան պլաստմասե տակառ տանում իր հարազատների՝ Նատալյա և Վիկտոր Տարխովների տան մուտքից։ Հանցագործությունը թաքցնելու համար նա գնել է քիմիական նյութեր ու պլաստիկ տակառներ։
Բելսկայան չի հասցրել ամբողջությամբ ազատվելու դիակներից։ Մարմնի կտորների մի մասը մնացել է բնակարանում։ Նրա տանը հայտնաբերվել են նաև սպանվածների հեռախոսները, անձնագրերը։
Սամարայի նախկին քաղաքապետի ձերբակալված թոռնուհու որդուն կհանձնեն հարազատներին. Այս մասին «ՌԵՆ ՏՎ»-ին ասել է Եկատերինայի մոր՝ Լյուդմիլա Տարխովայի փաստաբանը։
Երեխան մանկատանն է եղել։ Թե որտեղ է հայրը, հայտնի չէ։ Նա որոշ ժամանակ ապրել է Իսրայելում։ Եկատերինան դատարանի որոշմամբ երկու ամսով կալանավորվել է։
Երեխայի տատիկը՝ նախկին քաղաքապետի դուստրը, արդեն պատիժ է կրում պատգամավոր Ալեքսանդր Միլեեւից 200 մլն ռուբլի շորթելու համար։
Տեսանյութն՝ այստեղ
Բաց մի թողեք
Ռուսաստանում ապօրինի բնակվող ուկրաինացիներին ստիպում են հեռանալ կամ օրինականացնել ներկայությունը
Ադրբեջանը ճնշում է ՀՀ-ին՝ ընդմիշտ ձեռք բերելու համար Արցախի հարցի վերջնական փակումը
Արդյոք Վանաձորում Տիգրան Ուլուբաբյանին ծեծող ՀՀ ոստիկանները կազատվեն համակարգից