ԱՄՆ նախագահ Դոնալդ Թրամփը հայտարարել է, որ Կանադան բավականաչափ ծախսեր չի կատարում իր բանակի վրա, քանի որ հույսը դնում է ամերիկյան օգնության վրա, հաղորդում է Սպիտակ տան մամուլի ծառայությունը։ Ամերիկացի առաջնորդը հայտարարել է նաև, որ Կանադան առանց ամերիկյան աջակցության «անկենսունակ երկիր» է:
«Մենք տարեկան մոտ 200 միլիարդ դոլարով սուբսիդավորում ենք նրանց։ Եթե մենք դադարենք դա անել, եթե մենք կանգնեցնենք նրանց մեքենաների արտադրությունը՝ մաքսատուրքեր սահմանելով, նրանք կենսունակ երկիր չեն լինի», – ասել է Թրամփը լրագրողներին իր ինքնաթիռում Լուիզիանա կատարած ուղևորության ժամանակ:
ԱՄՆ նախագահն ընդգծել է, որ սիրում է Կանադայի ժողովրդին, ում հետ իր երկիրը «գերազանց հարաբերություններ ունի»։ Ըստ նրա՝ պետության համար լավագույն լուծումը կլինի դառնալ ԱՄՆ 51-րդ նահանգը։
«Հիանալի կլիներ, եթե Կանադան միանա երկրին առանց այս արհեստական սահմանի», – հավելել է Թրամփը։
Նախօրեին ԱՄՆ ազգային անվտանգության հարցերով խորհրդական Մայք Ուոլցը հայտարարել էր, որ Թրամփը մտադիր չէ ներխուժել Կանադա։
Բաց մի թողեք
«Կխեղդվեք ձեր թափած արյան մեջ. Թույլ չենք տա պղծել Արևելյան Երուսաղեմը». Էրդողան
Դատվածություն ունեցող Մարտիրոսյանը ՌԴ-ում պատգամավոր է դարձել․ Լուսանկար
Թրամփը տիկնոջ հետ պետական այցով Մեծ Բրիտանիայում է. ինչպես են դիմավորել նրանց, և ովքեր են դժգոհ