Հայաստանի խորհրդարանի փոխխոսնակ Ռուբեն Ռուբինյանն արձագանքել է Ադրբեջանի Մեջլիսի փոխնախագահի պնդմանը, թե հայ – ադրբեջանական խաղաղության պայմանագրի երկու չհամաձայնեցված հոդվածներից մեկը «Զանգեզուրի միջանցքի», մյուսն էլ ՀՀ սահմանադրության մասին է:
«Ազատության» թղթակցի հարցին ի պատասխան նա ասել է. «Նման կետեր խաղաղության պայմանագրում չեն քննարկվում: Նշվածը բացարձակապես չի համապատասխանում իրականությանը: Ինչպես հրապարակայնորեն նշել է վարչապետ Փաշինյանը` 2 դեռևս չհամաձայեցված կետերը վերաբերում են մեկը սահմանին երրորդ ուժերի տեղակայման թեմային, մյուսը` միմյանց դեմ միջազգային իրավական կառույցներում ներկայացրած բողոքների թեմային:
Սա հաստատել է նաև պաշտոնական Բաքուն», – ասել է Հայաստանի խորհրդարանի փոխխոսնակ Ռուբեն Ռուբինյանը:
Բաց մի թողեք
Հայաստան-Ադրբեջան սահմանին չեզոք տեղանք․ ՔՊ-ականը հանդիպում է առաջարկել ադրբեջանցի գործընկերոջը
Վարդանյանի միջազգային փաստաբանը ՀՀ իշխանություններին հուշել է, թե ինչ պետք է անել
Աղետի պատասխանատուն հաստատ ժողովուրդը չէ՝ կոնկրետ մարդիկ են, որոնք նստած են կոնկրետ աթոռներին