Ստամբուլում Ամերիկայի գլխավոր հյուպատոսի նստավայրում բանակցություններ են ընթանում Ռուսաստանի և ԱՄՆ-ի ներկայացուցիչների միջև դեսպանատների աշխատանքին առնչվող հարցերի շուրջ:
Այս մասին հայտնում է РИА Новости-ին՝ նշելով, որ հանդիպումը սկսվել է Մոսկվայի ժամանակով ժամը 10։00-ի սահմաններում (ՀՀ ժամանակով՝ 11:00) Բոսֆորի ափին գտնվող Առնավուտկոյ շրջանում՝ ԱԳՆ ներկայացուցիչներից կազմված ռուսական պատվիրակության ժամանումից հետո։
Ինչպես գործակալությանը հայտնել է իրազեկ աղբյուրը, բանակցությունները կարող են տևել առնվազն հինգ ժամ։
Ռուսական դիվանագիտության ղեկավար Սերգեյ Լավրովը, ավելի վաղ հայտարարելով հանդիպման մասին, հույս էր հայտնել, որ արդյունքները պարզ կդարձնեն, թե որքան արագ և արդյունավետ կարող են երկու կողմերը շարժվել խնդրահարույց հարցերի լուծման գործում։
Ինչպես հաղորդում է CNN-ը՝ վկայակոչելով Պետդեպարտամենտի ներկայացուցչին, բանակցություններում չեն քննարկվելու քաղաքական կամ անվտանգության հարցեր, և Ուկրաինան նույնպես հանդիպման թեմա չի լինի։
Փետրվարի 18-ին Սաուդյան Արաբիայի մայրաքաղաքում տեղի ունեցան ռուս-ամերիկյան բարձր մակարդակի բանակցություններ, որոնք տևեցին չորսուկես ժամ:
Ռուսական կողմից քննարկմանը մասնակցել են արտգործնախարար Սերգեյ Լավրովը և նախագահի օգնական Յուրի Ուշակովը։
Վաշինգտոնը ներկայացնում էին պետքարտուղար Մարկո Ռուբիոն, Ազգային անվտանգության հարցերով խորհրդական Մայքլ Վալցը և Մերձավոր Արևելքի հարցերով հատուկ բանագնաց Սթիվեն Վիտկոֆը։
Հանդիպումից հետո կողմերը պայմանավորվել են պայմաններ ստեղծել երկկողմ համագործակցության լիարժեք վերսկսման, դեսպանատների աշխատանքի սահմանափակումները վերացնելու և Ուկրաինայում իրավիճակի կարգավորման գործընթաց սկսելու համար։
Բաց մի թողեք
Հռոմի պապ Ֆրանցիսկոսը բուժումից հետո պետք է նորից խոսել սովորի
Թրամփի՝ Իրանին ուղղված նամակի բովանդակության մասին. Կիևը համաձայնել է նախագահական ընտրություններ անցկացնել
Թրամփը չեղարկել է Բայդենի, Հարրիսի և Քլինթոնի՝ գաղտնի տեղեկություններին հասանելիությունը․ այլ մանրամասներ. Լուսանկար