Իլոն Մասկը խոստացել է մարդանման ռոբոտների բանակ ստեղծել

Tesla-ի գլխավոր տնօրեն Իլոն Մասկը ծրագրել է մինչև 2025 թվականի վերջ ստեղծել 5000 Optimus ռոբոտ։ Այս մասին հայտնի է դարձել մի սթրիմի ժամանակ, որը ձեռնարկատերը անցկացրել է «X»-ում։

Tesla-ի եռամսյակային եկամուտների քննարկման ժամանակ Մասկը խոսել է Optimus ռոբոտների առաջընթացի մասին: Միլիարդատերը հայտնել է, որ իր ընկերությունը մինչև տարեվերջ պետք է արտադրի 5 հազար ռոբոտ։

«Ես կասեմ, որ մենք հաջողակ ենք, եթե ստանանք 10000 միավորի կեսը: Բայց նույնիսկ 5000 ռոբոտը հռոմեական լեգեոնի չափ է»,- նշել է Մասկը՝ մանրամասնելով, որ Հին Հռոմում գտնվող լեգեոնը տարբեր ժամանակներում բաղկացած էր 2-10 հազար զինվորից:

Ըստ նրա, բառացիորեն պատրաստվում են կառուցել լեգեոն:

«Այս տարի ռոբոտների առնվազն մեկ լեգեոն, իսկ հաջորդ տարի՝ գուցե 10 լեգեոն», – խոստացել է Իլոն Մասկը:

Այսպիսով, Մասկը մտադիր է արտադրել մինչև 50 հազար Optimus ռոբոտ՝ ձևավորելով մի «բանակ»։

Ձեռնարկատերն ընդգծել է, որ ռոբոտներ ստեղծելը Tesla-ի համար բոլորովին նոր բիզնես է, ուստի ընկերությունը սխալներ է թույլ տալիս։ Միևնույն ժամանակ Մասկը իր ռոբոտներին անվանել է Tesla-ի ամենաթանկ ակտիվը։ Նրա կարծիքով, դժվար է գնահատել արտադրությունը, որը թույլ է տալիս ստեղծել «խելացի մարդանման ռոբոտներ, որոնք ունակ են «նավարկելու իրականության մեջ և կատարել առաջադրանքներ ըստ պահանջի»։

Ավելի վաղ Bloomberg-ին հայտնի է դարձել, որ Tesla-ն հետ է կանչել բոլոր Cybertruck մեքենաները, որոնք արտադրվել և վաճառվել են ԱՄՆ-ում առաջին 15 ամիսների ընթացքում՝ անվտանգության խնդիրների պատճառով: Պարզվում է, որ հետ կանչվող 46 հազար 96 պիկապ մեքենաների մեկ տոկոսը վտանգավոր թերություն ունի։