«2020 թվականի նոյեմբերից, և դրանից առաջ ամբողջ գործն այն է, որ իրենց կառուցած կապիտուլացիան փաթաթեն կոնկրետ իմ վզին»։
Այս մասին Ազգային ժողովում Կառավարության հետ հարցուպատասխանի ընթացքում ասաց ՀՀ վարչապետ Նիկոլ Փաշինյանը՝ անդրադառնալով Ռոբերտ Քոչարյանին, Սերժ Սարգսյանին, և Լևոն Տեր-Պետրոսյանին։
«Բա դրա համար եմ այդ մարդկանց ասում՝ եկեք գնանք ուղիղ եթերով խոսենք, երեք մտքի տիտանը ասում են՝ ես էսօր գործ ունեմ, ես էսօր բան, բոլորն ասում են՝ մենք իրա հետ բանավիճելու բան չունենք, հետո իրանց երեխեքին, թոռներին, ծոռներին, հարսներին, բաջանաղներին ղրգում են ասուլիսներ տալու․ արա՛, եթե բան չկա բանավիճելու, վեր ընկեք տեղներդ, ձեռներդ կտրեք, եթե բանավիճում եք, եկեք խոսենք։
Ես ասում եմ՝ ես ձեզ հետ չեմ բանավիճի, ձեզ պատերով կտամ, ու այտեղից ձեր քաղաքական մնացորդները դուրս կհանեն, երեքիդ էլ վերաբերվում է, հերիք է նեռվերներիս հետ խաղաղաք։ Ես ձեզ ոտի տակ կտամ, ոչ թե ձեզ հետ կբանավիճեմ»։
«Նիստից առաջ դոպինգ եք խմո՞ւմ, որ գաք ստեղ ցնցվելով ինչ-որ պաթոսի օվերդոզով խոսեք»,- ասաց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Աննա Գրիգորյանի հարցին․ «Միայն ձեր խմբակցությունում և ձեր քաղաքական ուժում է, որ բոլորը ծայրահեղ կրթված են։ Դե, դուք վունդերկինդների խմբակցությունն եք, կրթվելու կարիք չունեք։ Դուք այդպես էլ մնացել եք նույն կետում»։
«Եթե որևէ դուրսպրծուկ փորձի ՀՀ քաղաքացու ընտրության կամքին բռնանա, շատ արագ կհայտնվի ասֆալտին, ամենաարագը այնտեղ է։ Ես երաշխավորում եմ, որ և գյումրեցիները և փարաքարցիները ազատորեն իրենց կամքը արտահայտելու հնարավորություն կունենան։ Մեր դիրքորոշումն է․ ժողովուրդի արտահայտած ցանկացած կամք ի գիտություն ենք ընդունելու, և ժողովրդի ասածը մեզ համար օրենք է»,- շեշտեց վարչապետը։
Բաց մի թողեք
Ադրբեջանի ՊՆ-ն արձագանքել է Խոզնավարը գնդակոծելու մասին հայկական կողմի հաղորդագրությանը
Հայտնաբերվել է Երևանում հայտնի «կավատը», ով պարտքատեր կնոջը ստիպել է մարմնավաճառությամբ փակել պարտքը
Ադրբեջանական կողմը կրակ է բացել Խոզնավարի ուղղությամբ, վնասվել է բնակելի տուն. Լուսանկարներ