Ադրբեջանը չի կատարի Եվրոպական դատարանի որոշումները, հայտարարել է Ադրբեջանի ղեկավար Իլհամ Ալիեւը։
Ալիեւը նշել է, որ դրա պատճառը Եվրոպայի խորհրդի խորհրդարանական վեհաժողովում (ԵԽԽՎ) ադրբեջանական պատվիրակության լիազորությունների դադարեցումն է։
«Եթե պատվիրակությունը չմասնակցի Վեհաժողովի նիստերին և չկարողանա քվեարկել Մարդու իրավունքների եվրոպական դատարանի (ՄԻԵԴ) դատավորների ընտրության օգտին, ապա Ադրբեջանի վերաբերյալ այս դատարանի որոշումներն անվավեր կհամարվեն։ Մենք զրկված ենք քվեարկելու իրավունքից»,- ընդգծել է Իլհամ Ալիեւը ։
2024 թվականի հունվարին ԵԽԽՎ-ն մերժել էր վավերացնել ադրբեջանական պատվիրակության հավատարմագրերը։ Բանաձեւին կողմ էր քվեարկել 90, դեմ՝ 76, ձեռնպահ՝ չորս պատգամավոր։ Ադրբեջանի ԱԳՆ-ն հայտնել է, որ երկրի դեմ քվեարկած 76 պատգամավորների մուտքը երկիր սահմանափակվել է։
Բաց մի թողեք
Ռուսաստանից Վրաստանի հանդեպ ճնշումների մասին
ԼՂ հարցում Հայաստանի բոլոր իշխանությունները առաջնորդվել են «մեզ դավաճան չասեն» մտայնությամբ
Պուտինից ստացել էր ռուս-թուրքական սիներգիայի միջնորդի հուսալի մանդատ