Տասնյակ ընդդիմադիրներ են ձերբակալվել, այդ թվում՝ զոհվածի հայր

Ինչպես արդեն տեղեկացրել ենք, այսօր իրավապահները գործողություններ են անում ընդդիմադիրների, այդ թվում` ՀՅԴ, «Սրբազան պայքարի» անդամների տներում։

Հիշեցնենք` ՔԿ-ն այսօր հաղորդագրություն էր տարածել` նշելով, թե կանխվել է ահաբեկչության փորձ, խոսվում էր քաղաքացիական անձանց կյանքից զրկելու, հեղաշրջում կատարելու վերաբերյալ, որը պլանավորվել է Բագրատ Սրբազանի գլխավորությամբ։

Փաստաբան Ռուբեն Մելիքյանը «Հրապարակ»-ին ասաց, որ ինքը մեկ բերման ենթարկված անձի փաստաբան է, զբաղվում է դրանով։ Հարցին, թե քանի՞ բերման ենթարկված կա, պատասխանեց` խոսքը երկնիշ թվի մասին է։
Խոսելով ահաբեկչական գործողությունների` ՔԿ տարած հաղորդագրության մասին, ասաց` շատ բան են ասում, քննություն լինի, կտեսնեք։

Նա այլ հարցերի չպատասխանեց` նշելով, մանրամասներ այս պահին չի կարող հայտնել։

Փաստաբան Վահան Հովհաննիսյանը ֆեյսբուքի իր էջում գրել է. «Զոհվածի ծնող Արա Ռոստոմյանի տան և ավտոմեքենայի խուզարկությամբ անօրինական որևէ բան չհայտնաբերվեց: Արա Ռոստոմյանը ձերբակալվեց: