Իջևանում գործող «Իջ Գրանդ Տեքստիլ» գործարանում մոտ 200 հնդիկ աշխատողներ մի քանի օր շարունակ գործադուլ են անում՝ պահանջելով աշխատավարձի բարձրացում և վարձերի վճարում։
Աշխատողները կազմակերպում են բողոքի ակցիաներ, հայտարարելով, որ ընկերության տնօրեն Մհեր Միրզոյանը խախտել է պայմանավորվածությունները և չի վճարում նրանց վաստակած գումարը։
Ընկերության տնօրինությունը նշում է, որ հնդիկ աշխատողների հետ կնքված են աշխատանքային պայմանագրեր՝ հստակ սահմանված պայմաններով, և որ գործադուլն ու համացանցում տարածված քննադատական տեղեկությունները նախաձեռնվել են մի խումբ սադրիչների կողմից։
Միրզոյանի խոսքով՝ 205 աշխատողների մեջ կա մոտ 15 հոգանոց խումբ, որը ոչ միայն դրդում է գործադուլի, այլ նաև սպառնում և ճնշում գործադրում մնացած աշխատողների վրա։
Բողոքի մասնակիցները, իրենց հերթին, պնդում են, որ դիմել են ինչպես Հնդկաստանի դեսպանատուն, այնպես էլ ոստիկանություն, սակայն աջակցություն չեն ստացել։
Նրանք ընդգծում են, որ հայերի հետ խնդիր չունեն, բայց պահանջում են իրենց աշխատավարձերը՝ հնարավորինս արագ վերադարձի համար Հնդկաստան։
Բաց մի թողեք
«Hongqi»-ն Պարոնյան-Ձորափնյա փողոցների հատման վայրում հայտնվել է ջրագիծ անցկացնելու համար փորված փոսում․ Լուսանկար
Կողբում 48-ամյա վարորդը «Opel Zafira»-ով բшխվել է երկաթե արգելապատնեշներին և հայտնվել ձորում․ վիրшվորները անչափահասներ են․ Լուսանկար
Խոշոր ավտովթար՝ Սպիտակ-Վանաձոր ճանապարհին, տուժածներից մեկին տեղափոխել են Երևան. Լուսանկար