Սեպտեմբերի 8-ի առավոտյան՝ ժամը 06։00-ին, ՆԳՆ ոստիկանության օպերատիվ կառավարման կենտրոն ահազանգած քաղաքացին հայտնել է, որ Երևանի Բրյուսովի փողոցի մոտ լսել է կրակոցի ձայն և տեսնում է կասկածելի երկու հոգու:
ՆԳՆ հաղորդագրության համաձայն՝ պարեկային ծառայության 2-րդ գումարտակի 1-ին վաշտի ծառայողները րոպեներ անց նշված հասցեում նկատել են դիմակավորված երկու քաղաքացու։
«Նրանցից մեկը, նկատելով պարեկներին, իր մոտից նետել է ատրճանակի նմանվող առարկա, պտուտակահան, շինարարական ձեռնոցներ, գլխարկ, կենցաղային դանակ և պայուսակ, իսկ մյուսը փորձել է դիմել փախուստի։ Բրյուսովի փողոցում պարեկներին հաջողվել է երկու անձին էլ անմիջականորեն ծագած հիմնավոր կասկածանքով ձերբակալել։ 31 և 38 տարեկան տղամարդիկ տեղափոխվել են Համայնքային ոստիկանության Կենտրոնական բաժին։
Տարածքի ուսումնասիրությամբ պարզվել է, որ կայանված «Լեքսուս» մակնիշի ավտոմեքենայի կողային հայելիները գտնվում են թուլացրած վիճակում, իսկ ապակուն տեղադրված էր տելեգրամյան էջի հղման QR կոդ: Նույն QR կոդը փակցված էր նաև հարևանությամբ կայանված մեկ այլ «Լեքսուսի» ապակուն, որի կողային հայելիները գողացված էին։
Կազմված փաստաթղթերը փոխանցվել են Կենտրոն և Նորք Մարաշ վարչական շրջանների քննչական բաժին: Կատարվում է նախաքննություն»,- ասվում է հաղորդագրության մեջ:
Բաց մի թողեք
Տարոն Մարգարյանի վերաբերյալ քրեական վարույթը մեղադրական եզրակացությամբ Հակակոռուպցիոն դատարանում է
Մեկ անձ ձերբակալվել է Հայաստան-Պորտուգալիա խաղի տոմսերի վաճառքով ենթադրյալ խարդախությունների համար
Արտառոց դեպք՝ Երևանում․ ֆիզկուլտուրայի հանդերձարանում ծեծի են ենթարկել 8-ամյա տղային, ով վնասվածքներով տեղափոխվել է հիվանդանոց