Կանգնեց մորս սիրտը, որի մեջ տեղավորվում էինք բոլորս. Զառա Արամյանի դուստրը հայտնել է հոգեհանգստի տեղն ու ժամը

Ինչպես հայտնել ենք՝ կյանքից հեռացել է դերասանուհի, հաղորդավարուհի Զառա Արամյանը:

«Իմ ամենալուսավոր, ժպտերեսիկ ու ծիծաղկոտ. արդեն կարոտում եմ ծիծաղդ ու ժպիտդ, չգիտեմ, թե էլ ինչ եմ անելու, միշտ զգալու եմ կարիքդ:

Մորս` Զառա Արամյանի, այդքան մեծ սիրտը, որի մեջ տեղավորվում էինք բոլորս, այսօր կանգնեց»,- գրել է Զառա Արամյանի դուստրը՝ Էլեն Գասպարյանը:

Դերասանուհու հոգեհանգիստը տեղի կունենա ամսի 20-ին որ Նորքի Սուրբ Սարգիս եկեղեցում, ժամը 17:00-ից:

Դերասան Աշոտ Ղազարյանը ֆեյսբուքյան էջում հրապարակել է մի հատված «Մեր բակը» ֆիլմից՝ կից գրառմամբ․ «Մի համ էլ պակասեց մեր Համով Բակից․․․ Մեր Համով Զառան: Չեմ ուզում հավատալ, չեմ էլ պատկերացնում, որ մեր Զառան այլևս չկա։ Շատ ափսոս: Ինչ ասեմ։ Աստված հոգիդ լուսավորի Զառա ջան»։