2026 թվականի օգոստոսի 31-ին Արարատի և Վայոց ձորի մարզերի առաջին ատյանի դատարանը բավարարել է Միքայել արքեպիսկոպոս Աջապահյանի հայցն՝ ընդդեմ Հովհաննավանքի նախկին քահանա Ստեփան Ասատրյանի (Տեր Արամ)՝ պարտավորեցնելով վերջինիս հերքել Աջապահյանի մասին հրապարակած տեղեկությունները։
Խոսքը, մասնավորապես, ահաբեկչություն խրախուսելու, Հայաստանի նկատմամբ սպառնալիքներ հնչեցնելու, ինչպես նաև կին և աղջիկ ունենալու վերաբերյալ պնդումների մասին է։
Դատարանը սահմանել է նաև հերքման տեքստը․ «Ես՝ Ստեփան Ասատրյանս, հրապարակային հայտարարում եմ, որ հայտնել եմ բացահայտ սուտ տեղեկություններ, որոնք չեն համապատասխանում իրականությանը»։
Իրավական գործընթացն, իհարկե, իր ընթացքն ունի։ Քանի որ վճիռը կայացվել է առաջին ատյանի դատարանում, այն օրինական ուժի մեջ կմտնի հրապարակումից մեկ ամիս անց, եթե չբողոքարկվի Վերաքննիչ դատարանում։
Ստեփան Ասատրյանից փորձել են պարզել՝ արդյո՞ք պատրաստվում է հրապարակային ներողություն խնդրել Միքայել Աջապահյանից։ «Երբ ներողություն խնդրեմ, դուք կիմանաք այդ մասին»,- կարճ արձագանքեց կարգալույծ արված հոգևորականը։
Այնուհետև Ասատրյանը պատմեց մի դեպք, որն, իր պնդմամբ, տեղի է ունեցել Մայր Աթոռում 1999 թվականին․ «Անուններ չեմ հրապարակելու, պարզապես իմացեք։ Միաբանությունում ինձ հետ շատ մտերիմ եպիսկոպոսներից մեկը հերթով իր մոտ է կանչում մյուս եպիսկոպոսներին։ Հետաքրքիր էր՝ ի՞նչ են քննարկում միաբանությունում։ Հին սերունդը գիտի, որ այնտեղ՝ միաբանությունում, նաև կին է ապրել։ Այսքանով կբավարարվեմ»։
Բաց մի թողեք
Թուրք պատգամավորը ոգևորված է Հայաստանով․ այցելել է սահման․ Լուսանկար
Մոսկվա գնալով ի՞նչ է փորձելու գույքագրել Փաշինյանը
ԵՄ-ն «ջրում» է ՀՀ կառավարության ծրագիրը