ԹՐԻՓՓ նախագծի շրջանակում Հայաստանի տարածքում գործող ենթակառուցվածքների և ձևավորվող հարաբերությունների հիմքում լինելու են երկրի ինքնիշխանության, տարածքային ամբողջականության և իրավազորության սկզբունքները։
Այս մասին Ազգային ժողովում հայտարարել է ՀՀ արտաքին գործերի նախարար Արարատ Միրզոյանը՝ ներկայացնելով Հայաստանի և ԱՄՆ-ի միջև ռազմավարական համագործակցության շրջանակային համաձայնագրի վավերացման նախագիծը։
Նախարարի խոսքով՝ համաձայնագրի շրջանակում իրականացվող ցանկացած գործընթաց և գործարկվող ենթակառուցվածք պետք է համապատասխանի այդ հիմնարար սկզբունքներին։
Միրզոյանը, անդրադառնալով ինքնիշխանության վերաբերյալ հնարավոր մտահոգություններին, նշել է, որ փաստաթղթում այդ հասկացությանը հատուկ անդրադարձ է կատարվում։ Նրա ներկայացմամբ՝ ենթակառուցվածքների վերաբերյալ դրույթներում «ինքնիշխանություն» բառը կիրառվում է ութ անգամ՝ ընդգծելով Հայաստանի վերահսկողությունը սեփական տարածքում իրականացվող գործընթացների նկատմամբ։
Արտաքին գործերի նախարարի հավաստմամբ՝ Հայաստանը պահպանելու է լիակատար ինքնիշխանությունն ու իրավազորությունը երկրի սահմանների և մաքսային գործառնությունների նկատմամբ։
Միաժամանակ, ըստ Միրզոյանի, հայկական կողմը պարտավորվում է ապահովել սահմանների արդյունավետ կառավարում, իսկ Հայաստանի իրավասու մարմինները պահպանելու են ֆիզիկապես ներկա լինելու իրավունքը սահմանային հսկողության բոլոր կետերում։
Բաց մի թողեք
Միրզոյանը հստակ ասաց՝ ինչու Բաքուն չի ստորագրում խաղաղության համաձայնագիրը
TRIPP-ի հարցը հասավ խորհրդարան
Կրկին ընդդիմության ահազանգած «քաղաքական հետապնդումների» մասին. Փաշինյանը ևս մեկ փաստաթուղթ է հրապարակել