Մոլդովայի արտաքին գործերի նախարարությունը կանչել է Ռուսաստանի դեսպան Օլեգ Օզերովին և նրան բողոքի նոտա է հանձնել սեպտեմբերի 18-20-ը կայանալիք Ռուսաստանի Պետական դումայի ընտրություններին մասնակցելու համար Մերձդնեստրի չճանաչված շրջանում 17 ընտրատեղամաս բացելու ծրագրերի վերաբերյալ, հաղորդում է «Կոմերսանտը»։
Մոլդովայի արտաքին գործերի նախարար Միխայ Պոպշոյը հայտարարել է, որ Քիշնևը թույլատրել է Ռուսաստանի Պետական դումայի ընտրություններին քվեարկել միայն մեկ ընտրատեղամասում՝ Մոլդովայի մայրաքաղաքում Ռուսաստանի դեսպանատան հյուպատոսական բաժնում։
«Մոլդովայի Հանրապետության սահմանադրական իշխանությունների անհամաձայնությամբ բացված ցանկացած այլ ընտրատեղամաս անբարյացակամ գործողություն է», – նշել է Պոպշոյը։
Մոլդովայի արտաքին գործերի նախարարությունը անընդունելի է համարում լրացուցիչ ընտրատեղամասերի բացումը առանց հանրապետության իշխանությունների համաձայնության։
Բաց մի թողեք
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը
ԵՄ-ն ստուգում է՝ արդյոք Booking.com-ը բավարար միջոցներ ձեռնարկո՞ւմ է կեղծ հայտարարությունների և ֆիշինգային խարդախությունների դեմ պայքարելու համար
Լիտվայում հայտնաբերվել է սինթետիկ թմրամիջոցների խոշոր լաբորատորիա, որը ղեկավարել է Նիդերլանդների քաղաքացի