Հայաստանի պետական պարտքը 2026 թվականի առաջին վեց ամիսների ընթացքում դրամային հաշվարկով կրճատվել է 3.5 տոկոսով, մինչդեռ ԱՄՆ դոլարով դրա ծավալը գրեթե չի փոփոխվել։
Այս մասին Ազգային ժողովի Ֆինանսավարկային և բյուջետային հարցերի մշտական հանձնաժողովի նիստում հայտնել է ֆինանսների նախարար Վահե Հովհաննիսյանը։
Նախարարի խոսքով՝ պարտքի դրամային և դոլարային ցուցանիշների տարբերությունը հիմնականում պայմանավորված է փոխարժեքի փոփոխությամբ։ Միաժամանակ, պարտքի ներգրավման ծավալների վրա ազդեցություն է ունեցել նաև պետական բյուջեի կատարողականը։
Հովհաննիսյանը նշել է, որ բյուջեի ավելցուկի պայմաններում կառավարությունը նախատեսվածից ավելի քիչ պարտք է ներգրավել։
Հուլիսի 30-ի դրությամբ Հայաստանի պետական պարտքը կազմել է 5 տրիլիոն 116 միլիարդ դրամ։ Տարեսկզբի՝ դեկտեմբերի 31-ի դրությամբ արձանագրված 5 տրիլիոն 303 միլիարդ դրամի համեմատ՝ պարտքի ծավալը նվազել է։
Դոլարային արտահայտությամբ Հայաստանի պետական պարտքը ներկայում կազմում է մոտ 13 միլիարդ 900 միլիոն դոլար։
Բաց մի թողեք
Առողջապահության ոլորտի պաշտպանները պահանջում են ԵՄ բյուջեում առանձնացնել առողջապահության ֆինանսավորումը
«ԹՐԻՓՓ»-ի նախագծման աշխատանքները սկսվում են․ ի՞նչ է սպասվում հաջորդիվ
Ինչ խնդիրների առաջ կկանգնի Հայաստանը