Երեկ՝ հուլիսի 17-ին, Երևանում տեղացած հորդառատ անձրևի հետևանքով հերթական անգամ Երևանում առաջացան լուրջ խնդիրներ։
Ինչպես հայտնում է ֆոտոլրագրող Գագիկ Շամշյանը, պատճառը որոշ փողոցներում ջրահեռացման համակարգերի խոտանն էր։
Արդեն երևանցիների համար սովորական երևույթ է դարձել, որ երբ անձրևում է, գիտեն, որ Գործարանային մետրոյի մոտ ստեղծվում է «մինի լճակ»։ Մեծ թվով ավտոմեքենաներ չէին կարողանում անցնել այդ հատվածը, իսկ մի քանի երիտասարդներ էլ ջրի միջից դուրս են բերել 20-ից ավելի ավտոմեքենաների համարանիշներ, քանի որ երբ այդ ավտոմեքենաները անցել էին, համարանիշները պոկվել էր։
Տեղում ո՛չ Երևանի քաղաքապետարանից, ոչ էլ Շենգավիթի թաղապետարանից ոչ մի աշխատակից չկար։ Միայն օպերատիվորեն ժամանել էին ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գումարտակի հրամանատար Գոռ Առաքելյանի, վաշտի հրամանատար Գեղամ Եփրեմյանի գլխավորությամբ։
Քաղացացիները իրենց կողմից հայտնաբերված ավտոմեքենաների համարանիշները փոխանցում էին նույն վաշտի պարեկներ Սարգիս Դանիելյանին և Գրիգոր Դավթյանին, ովքեր նշված վայրում ուժեղացված ծառայություն էին կատարում։
Բաց մի թողեք
Վերջին 5 տարում քանի ուղիղ չվերթ է իրականցվել Երևանից Բաքու
Ռուսաստանը կսկսի վերահսկել քաղաքացիների դրամական փոխանցումները
Հայկական արծվագորգի զարդանախշը՝ ադրբեջանական «Հաղթանակի զբոսայգում». Լուսանկար