Վրաստանում Եվրամիության դեսպան Պավել Հերչինսկին անդրադառնալով վրաստանյան հետընտրական զարգացումներին, հիշեցրել է, որ Եվրամիության ղեկավարները դադարեցրել են Վրաստանի անդամակցության գործընթացը։
Ինչպես հայտնել է Aliq.ge-ն: «Վրացական կառավարության գործողությունների պատճառով Եվրամիության ղեկավարները կասեցրել են Վրաստանի անդամակցության գործընթացը: Այն կմնա կասեցված, քանի դեռ Վրաստանը կշարունակի հեռու մնալ Եվրամիությունից, մեր արժեքներից և սկզբունքներից»,- ասել է Հերչինսկին:
Ըստ դեսպանի՝ լուրջ խախտումներ են արձանագրվել հոկտեմբերի 26-ին տեղի ունեցած խորհրդարանական ընտրությունների ժամանակ:
«Դրանք խախտումներ են, որ չեն համապատասխանում Եվրամիության թեկնածու անդամի կողմից ակնկալվող չափանիշներին։ Միջազգային դիտորդները ընտրությունները ազատ և արդար չեն համարել, ուստի հետաքննություն պետք է անցկացվի»։
Բաց մի թողեք
Բաքուն և Երևանը կարևոր քայլեր են ձեռնարկում խաղաղությունն ամրապնդելու համար․ Հաջիև. Եվ սրան հավատացող կա արդյոք
Ադրբեջան-Ռուսաստան հարաբերությունների ամրության հարցում ոչ ոք չպետք է կասկած ունենա. Օվերչուկ
«Վիճակը» լավ չէ. «նախկինի պես» շարունակել գործելը անհնար է