Այսօր՝ նոյեմբերի 8-ին, խոշոր հրդեհ է տեղի ունեցել Արարատի մարզում:
Ժամը 09:10-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամայն կառավարման ազգային կենտրոն ահազանգ է ստացվել, որ Արտաշատ քաղաքի Օգոստոսի 23-ի փողոցում գործող արագ սննդի կետերից մեկում հրդեհ է բռնկվել:
Ինչպես հայտնում է ֆոտոլրագրող Գագիկ Շամշյանը, օպերատիվորեն դեպքի վայր են ժամանել Արտաշատի հրշեջ-փրկարարական ջոկատից՝ 2 մարտական հաշվարկ:
Մինչ հրշեջների ժամանումը՝ կրակի տարածման դեմ պայքարել են սննդի կետի աշխատակիցները, ապա ժամանած հրշեջները մարել են կրակը:
Ըստ նախնական տեղեկությունների ՝ բարեբախտաբար տուժածներ չկան:
Ոստիկանությունը պարզում է սեփականատիրոջ ինքնությունը ու թե ինչ հանգամանքներում է բռնկվել հրդեհը:
Բաց մի թողեք
Արտակարգ իրավիճակ՝ Երևանի շենքերից մեկում. Բնակիչները տարհանվել են
Սարդարապատում 42-ամյա վարորդը «Ford Fusion»-ով վրաերթի է ենթարկել 87-ամյա հետիոտնի․ նա մահացել է. Լուսանկար
Խոշոր ավտովթար Արագածոտնի մարզում. վարորդները հոսպիտալացվել են. Լուսանկար