ԱՄՆ հայամետ կոնգրեսական Ֆրենկ Փալոնեն լքել է Ադրբեջանի տարածքը, նման տեղեկություն է հրապարակել ԱՊԱ-ն՝ հղում անելով դիվանագիտական աղբյուրներին։
Հայտնի է, որ կոնգրեսականը Բաքու էր ժամանել COP29-ին մասնակցելու համար, սակայն նրա այցը հիստերիայով են ընդունել մի շարք ակտիվիստներ ու ՀԿ-ների ներկայացուցիչներ:
Նրանք երկու օր շարունակ հետապնդել և ահաբեկել են ամերիկացի կոնգրեսականին՝ թե՛ Բաքվի օդանավակայան ժամանելիս, թե՛ նրա իջևանած հյուրանոցում, թե՛ այլուր՝ պնդելով, թե «նա սպասարկում է հայկական լոբբինգի շահերը և պարբերաբար զրպարտում, վիրավորում է ադրբեջանցիներին, որի համար պարտավոր է ներողություն խնդրել և լքել Բաքուն»:
Կոնգրեսականը կարողացել է հյուրանոց մտնել միայն իր անվտանգության աշխատակիցների եւ տեղի իրավապահների օգնությամբ եւ չեղարկել է բոլոր հանդիպումները։
Ի վերջո հայ ժողովրդի արդարամիտ բարեկամն Ադրբեջանի հանրային, իրականում՝ քաղաքական հանրույթի գեներացրած ահաբեկությունների ու սպառնալիքների պատճառով հատուկ չվերթով լքել է Բաքուն:
Բաց մի թողեք
«Հակարիի կամրջի մոտ ադրբեջանցիներն ուզում են առաջանալ, հայ սահմանապահները չեն թողնում․ կրակոցներ չկան, միայն լեզվակռիվ է»․ Կոռնիձորի վարչական ղեկավար
Գերմանիայի արևելքում ընտրատեղամասերի բացման հետ մեկտեղ ծայրահեղ աջակողմյան AfD-ն առաջատար դիրք է գրավում
Ալեն Սիմոնյանն ու Անելիա Գուբրյանը պսակադրող քահանան ևս միացել է Ամենայն հայոց կաթողիկոս Գարեգին Բ-ին հեռացնելու արշավին