Թուրքիայի նախագահ Թայիփ Էրդողանը հայտարարել է, որ մոլորակի վրա մնացել է երկու փորձառու առաջնորդ՝ ինքը և Ռուսաստանի ղեկավար Վլադիմիր Պուտինը։
Այս տեսակետը նա հայտնել է Գազիանթեփ նահանգում երիտասարդների հետ զրույցի ժամանակ։
«Ներկայումս աշխարհում մնացել է երկու փորձառու ղեկավար՝ ես և Վլադիմիր Պուտինը։ Սա ասում եմ ոչ այն պատճառով, որ գովեմ ինձ, ես պաշտոնավարում եմ արդեն 22 տարի, գրեթե նույնը՝ պարոն Պուտինը։ Բոլոր մյուսները հեռացել են, և մենք ցանկանում ենք, որ մեր երկխոսությունը շարունակվի, օրինակ՝ կանցլեր Անգելա Մերկելի հեռանալուց հետո քաղաքականությունն ավարտվեց Գերմանիայում»,- ասել է Էրդողանը:
Նա նշել է, որ մեծ հարգանք է տածում Գերմանիայի նախկին կանցլեր Գերհարդ Շրյոդերի նկատմամբ։
Թուրք ղեկավարը հավելել է, որ «Շրյոդերը շատ ուժեղ դիրք է զբաղեցնում գերմանական քաղաքականության մեջ» և հույս հայտնել, որ «Թուրքիայի քաղաքականությունում կլինեն նմանատիպ գործիչներ»։
Բաց մի թողեք
Որքանո՞վ է Թրամփի պայմանավորվածությունները կայուն և, մանավանդ, ինստիտուցիոնալ առումով երաշխավորված
Ռուս-վրացական «մեղրամիսը» եթե արդեն չի ավարտվել, ապա սպառվելու վրա է
Ռուսաստանը պետդումայի ընտրությունների կգնա «ամեն ինչ՝ ռազմաճակատի համար» կարգախոսով