Սրբուհի Հովհաննիսյանը Վայոց ձորի Խնձորուտ գյուղում է ապրում։ Մասնագիտությամբ մանկավարժ է, բայց նաև զբաղվում է չրագործությամբ։
Ծիրան, դեղձ, սալոր, խնձոր, տանձ, կեռաս ու անգամ ընկույզի չիր․ Սրբուհու չրերի տեսականին մեծ է, իսկ վերջինը՝ ընկույզինը, յուրահատուկ ու արդեն պահանջված նորույթ է։
Գարնանը, իմանալով «Իմ Քայլը» հիմնադրամի «Հաջողակից՝ սկսնակին» ծրագրի մասին, որոշել է դիմել աջակցության ծրագրին և չի սխալվել. հայտնվել է լավագույն 42-ի շարքում։ «Իմ Քայլը» հիմնադրամից ստանալով 1մլն դրամ դրամաշնորհ՝ Սրբուհի Հովհաննիսյանը ձեռք է բերել սառնարան, սառցարան, պահարաններ, տարաներ, տեսախցիկ, հակահրդեհային համակարգ և արտադրամասը դարձրել է լիարժեք։
Սրբուհին աջակցության ծրագրերը կարևոր է համարում, ասում է՝ դա մեկ քայլ առաջ գնալու հիանալի հնարավորություն է։
««Իմ Քայլը» հիմնադրամի շնորհիվ ես կարողացա ավելի մեծ նպատակներ իրականություն դարձնել, այն, ինչ ես պետք է անեի մի քանի տարիների ընթացքում, կարողացա անել մի քանի ամսվա ընթացքում։ 1 մլն դրամը սկսնակ գործարարի համար բավականին մեծ աջակցություն է»,- ընդգծում է Սրբուհի Հովհաննիսյանը։
Չրագործը մտադրված է առաջիկայում ընդլայնել թե՛ արտադրության ծավալները, թե՛ արտադրատեսակները։ Մյուս տարի նաև աշխատակիցներ կընդունի, միայնակ արդեն չի հասցնում։ Հպարտանում է, որ գյուղում, հատկապես երբ այն սահմանամերձ է, աշխատատեղ է հիմնում, քանի որ ստեղծված յուրաքանչյուր նոր աշխատատեղ մի նոր ընտանիքի համար կայունանալու և գյուղում մնալու հնարավորություն է։
Բաց մի թողեք
Գործ ունենք բացահայտ ստի ու փաստերի կեղծման հետ
Ինչու ինքնաթիռները չէին կարողանում վայրէջք կատարել «Զվարթնոց» օդանավակայանում
Հայ գործարարների բաց նամակը Նիկոլ Փաշինյանին․ Ով դու, առաջնորդներից մեծագույնը, առաջնորդների առաջնորդը, խաղաղության խաչասերում ․․․