Սանկտ Պետերբուրգում Պուտին-Փաշինյան առանձին երկկողմ հանդիպում նախատեսված չէ:
Այս մասին ասել է ՌԴ նախագահի մամուլի քարտուղար Դմիտրի Պեսկովը։
«Առանձին հանդիպում չի ծրագրվում, բայց անհրաժեշտության դեպքում նրանք հնարավորություն կունենան զրուցել միջոցառման շրջանակներում»:
Կրեմլի խոսնակն այսպես է պատասխանել հարցին, թե արդյո՞ք Ռուսաստանի նախագահի և Հայաստանի վարչապետի միջև բանակցություններ տեղի կունենան ԱՊՀ երկրների ղեկավարների ոչ պաշտոնական գագաթնաժողովի և ԵԱՏՄ բարձրագույն տնտեսական խորհրդի նիստի շրջանակներում:
Հանդիպումները նախատեսված են դեկտեմբերի 25-26-ը՝ Սանկտ Պետերբուրգում:
Հայաստանը, որը նախագահում է ԵԱՏՄ-ում, ավելի վաղ խնդրել էր Միության գագաթաժողովն անցկացնել Սանկտ Պետերբուրգում:
Փաշինյանն այդ կապակցությամբ նշել էր, որ անտեղի է համարում ԵԱՏՄ գագաթնաժողովի անցկացումը հանրապետությունում, քանի որ «Եվրասիական բարձրագույն տնտեսական խորհրդի ոչ բոլոր անդամներն են ցանկալի Հայաստանում»։
Բաց մի թողեք
Հանրությունը էդպես էլ չիմացավ՝ Փաշինյանն էր ճի՞շտ՝ նախկինները պատերազմը նրա «ջեբը քցեցին», թե՞ …
Բոլորը սպասում են «մոլլապետության ինքնափլուզմանը»
«Կանաչ վիշապի» տարին «կանաչ լույս» չվառեց» ընդդիմության առաջ