Ադրբեջանի նախագահ Իլհամ Ալիևի զարմուհին ձերբակալվել է Աթենքի մերձակայքում խնջույքի վայրում ոստիկանական ռեյդի ժամանակ, որ ուղղված էր ապօրինի թմրանյութերի դեմ պայքարին, հաղորդում են հունական լրատվամիջոցները՝ ոստիկանությանը հղում անելով, փոխանցում է «Ազատությունը»։
Հունաստանի ոստիկանությունը հայտնել է, որ երկուշաբթի օրը 13 հոգու են ձերբակալել Կալիվիա քաղաքի շքեղ վիլլաներից մեկում: Թեև ոստիկանությունն անուններ չի տվել, սակայն լրատվամիջոցների տվյալներով՝ ձերբակալվածների թվում է նաև Իզաթ Խանիմ Ջավադովան, ով Բրիտանիայի քաղաքացիություն ունի և հայտնի է որպես դիջեյ Միքայելա Ջավ:
Ոստիկանության անանուն աղբյուրը հաստատել է, որ Ջավադովան ձերբակալվածների թվում է, հավելելով, որ հենց նա է եղել երեկույթի կազմակերպիչը։
Ըստ ոստիկանության հաղորդագրության՝ «երեկույթի կազմակերպիչը» շքեղ առանձնատան ննջարանում է գտնվել, որտեղ հայտնաբերվել են նաև 45 փաթեթ տարբեր թմրամիջոցներ և 43 հազար եվրո պարունակող չհրկիզվող պահարան։
Ջավադովան և ևս 9 հոգի հինգշաբթի օրը կկանգնեն դատարանի առջև՝ թմրանյութերի ապօրինի շրջանառության և օգտագործման մեղադրանքով, հավելել է աղբյուրը:
Բաց մի թողեք
Ուկրաինական ուժերը հարվածել են կենտրոնական Ռուսաստանի «խոշոր» լոգիստիկ կենտրոններին
ԱՄՆ-ն հարվածների 7-րդ գիշերն է սկսում, քանի որ Իրանը հարձակվում է ռազմական օբյեկտների վրա
Կոտրել են երկրի նախագահի կայքն ու պահանջում են 320 հազար դոլար․ Լուսանկար