«Քաղաքացիական նախաձեռնության կարգով ԱԺ քննարկմանն է ներկայացվել օրենքի նախագիծ՝ «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին», և այժմ սահմանված կարգով Կառավարությունը պետք է դիրքորոշում արտահայտի»:
Այս մասին Կառավարության 2025 թվականի առաջին նիստի ժամանակ հայտարարեց արտաքին գործերի նախարար Արարատ Միրզոյանը՝ հավելելով, որ առաջարկում է դրական դիրքորոշում արտահայտել՝ ելնելով մի շարք հանգամանքներից:
«Վերջին տարիներին ՀՀ-ն և ԵՄ-ն ինտենսիվ և դինամիկ հարաբերություններ են ունեցել, այդ հարաբերություններն ունեցել են շատ հարուստ բովանդակություն և ընդգրկել տարբեր ոլորտներ: ԵՄ-ն տարբեր առիթներով ընդգծված քաղաքական աջակցություն է հայտնել ՀՀ ժողովրդավարությանը, ԵՄ-ն պատրաստակամություն է հայտնել և, ըստ էության, ներգրավել ՀՀ-ի շուրջ անվտանգայինն միջավայրի ապահովմանը, նկատի ունեմ քաղաքացիական դիտորդական առաքելության տեղակայումը:
Նաև դուք, պարոն վարչապետ, ԵԽ-ում ելույթ ունենալիս հայտարարել եք, որ ՀՀ-ն պատրաստ է մոտ լինել Եվրոպական միությանը այնքան, որքան ԵՄ-ն դա հնարավոր կհամարի. մենք այդ հնարավոր համարելու նշաններն էլ ենք տեսել, նկատի ունեմ և՛ վիզաների ազատականացման մեկնարկը, և՛ մի շարք այլ գործիքներ, որ արդեն կիրառվել են կամ քննարկվում են»,- ասաց Միրզոյանը:
Բաց մի թողեք
Չեմ մտածում՝ Հայաստանում էդքան «շուն ու շանգյալ» ընտրող կա ․․․
Հեղինակը, հուսանք, զերծ կմնա կեղծ թեզերի տարածումից, հանրային գրառմամբ կհերքի իր թյուրիմացությունը․ ԱԳՆ
Մենք հրավիրում ենք Թուրքիային դառնալու գործընկեր. Ալեն Սիմոնյանի ելույթը Թուրքիայում