Թրամփը Ռուսաստանին սպառնացել է նոր պատժամիջոցներով

ԱՄՆ նախագահ Դոնալդ Թրամփը պատրաստ է խստացնել Ռուսաստանի Դաշնության նկատմամբ պատժամիջոցները, որպեսզի ավարտի Ուկրաինայում պատերազմը։

Համապատասխան հայտարարությամբ հանդես է եկել ուկրաինական ճգնաժամի կարգավորման հարցերով ԱՄՆ նախագահի հատուկ բանագնաց Քիթ Քելլոգը։

Նա նշել է, որ Թրամփի ողջ վարչակազմը մասնակցում է հակամարտությունը կարգավորելու քննարկումներին։ Վերջերս հավաքվել էր խորհրդականների ողջ թիմը՝ քննարկելու այդ հարցը:

Ինչպես Ուկրաինան, այնպես էլ Ռուսաստանը ստիպված են գնալ զիջումների, հայտարարել է Քելլոգը։