ՌԴ-ն ԱՄՆ-ին արդեն տալիս է․ ԱՄՆ-ին անհրաժեշտ են հազվագյուտ հողային մետաղներ, որոնցից Ռուսաստանը շատ ունի

ԱՄՆ-ին անհրաժեշտ են հազվագյուտ հողային մետաղներ, Ռուսաստանը բաց կլինի համագործակցության համար, երբ ժամանակը գա, ասել է ՌԴ նախագահի մամուլի քարտուղար Դմիտրի Պեսկովը։

«Ամերիկացիներին հազվագյուտ հողային մետաղներ են պետք, մենք շատ ունենք: Մենք ունենք ռազմավարական ռեսուրսներ զարգացնելու մեր սեփական ծրագրերը: Բայց այստեղ համագործակցության բավականին լայն հեռանկարներ են բացվում: Նախագահն այս մասին խոսել է երեկ հանդիպման ժամանակ, մասնավորապես հազվագյուտ հողային մետաղների վերաբերյալ»,- ասել է Պեսկովը:

Նրա խոսքով՝ կան հեռանկարներ, կան հնարավորություններ, երբ գա քաղաքական կամքի դրսևորման պահը, «մենք բաց կլինենք դրա համար»։

Պեսկովը պատասխանել է «ՌԻԱ Նովոստի»-ի հարցին, թե արդյոք Մոսկվան ունի՞ որևէ նախնական պայման, որը պետք է կատարի ԱՄՆ-ը հազվագյուտ մետաղների վերաբերյալ համագործակցություն սկսելու համար։