Հեռախոսազրույցս ՌԴ նախագահ Պուտինի հետ շատ լավ և արդյունավետ էր։
Այս մասին սոցցանցի իր էջում գրել է ԱՄՆ նախագահ Դոնալդ Թրամփը՝ նշելով, որ ապագայում կողմերը կաշխատեն հրադադարի և պատերազմի ավարտի ուղղությամբ։
«Այսօր իմ հեռախոսազրույցը ՌԴ նախագահ Պուտինի հետ շատ լավ և արդյունավետ էր: Մենք պայմանավորվեցինք անհապաղ զինադադարի մասին բոլոր էներգետիկ և ենթակառուցվածքային օբյեկտներում՝ հասկանալով, որ արագ կաշխատենք ամբողջական հրադադարի և վերջապես Ռուսաստանի և Ուկրաինայի միջև այս սարսափելի պատերազմի ավարտի ուղղությամբ: Եթե ես լինեի նախագահ, այս պատերազմը երբեք չէր սկսվի»,- գրել է Թրամփը։
Նա նաև հավելել է, որ ԱՄՆ-ի և Ռուսաստանի Դաշնության ղեկավարները քննարկել են խաղաղ համաձայնագրի բազմաթիվ կետեր:
«Քննարկվել են խաղաղության պայմանագրի շատ տարրեր, ներառյալ այն փաստը, որ հազարավոր զինվորներ են մահանում: Եվ՛ նախագահ Պուտինը, և՛ նախագահ Զելենսկին կցանկանային տեսնել այս պատերազմի ավարտը: Այս գործընթացը այժմ ամբողջ ուժով է ընթանում, և մենք հուսով ենք, հանուն մարդկության, այս գործը կանենք»,- ընդգծել է Դոնալդ Թրամփը։
Ավելի վաղ հայտնել էինք, որ Ռուսաստանի Դաշնության և ԱՄՆ նախագահներ Վլադիմիր Պուտինը և Դոնալդ Թրամփը շուրջ 2.5 ժամ տևողությամբ հեռախոսազրույց են ունեցել։
Բաց մի թողեք
«Միայն հիմարները կամ դավաճանները կարող են ուրախանալ». Ինչպես է արձագանքել Գերմանիայում ընտրություններին Տուսկը
Գերմանիան և Իտալիան արգելափակել են Կալլասի կողմից պաշտպանական խումբ ստեղծելու գաղափարը
Քաղաքական ցնցում՝ Գերմանիայում․ Մերցն ընդունել է իր կուսակցության պարտությունը