ԱՄՆ նախագահի հատուկ ներկայացուցիչ Սթիվ Ուիթքոֆը լրագրող Թաքեր Կառլսոնի հարցազրույցում խոսել է Դոնալդ Թրամփի՝ Իրանին ուղղված նամակի մոտավոր բովանդակության մասին։
Նրա խոսքով՝ Թրամփը նամակը գրել է ոչ թե նրա համար, որ թույլ է, այլ այն պատճառով, որ չի ցանկանում գործել ռազմական ճանապարհով։
«Դրանում մոտավորապես ասվել է.՝ ես խաղաղության նախագահն եմ։ Սա այն է, ինչ ես ուզում եմ: Մենք ռազմական ճանապարհով գործելու պատճառ չունենք։ Մենք պետք է խոսենք։ Մենք պետք է վերացնենք թյուրիմացությունները։ Մենք պետք է ստեղծենք ստուգման ծրագիր, որպեսզի ոչ ոք չանհանգստանա, որ ձեր միջուկային նյութը կօգտագործվի որպես զենք: Եվ ես կուզենայի, որ այդպես լիներ, քանի որ այլընտրանքն այնքան էլ լավը չէ»։ «Սա մոտավորապես այն է, ինչ ասվել է, մոտավորապես»,- պատմել է Ուիթքոֆը։
ԱՄՆ նախագահի հատուկ ներկայացուցչի կարծիքով՝ ԱՄՆ եւ Իրանի միջեւ տարաձայնությունները կարող են վերացվել դիվանագիտական ճանապարհով։ «Կարծում եմ, որ դա իրականում կարող է լուծվել դիվանագիտական ճանապարհով, ոչ թե այն պատճառով, որ ես խոսել եմ Իրանում որեւէ մեկի հետ, այլ պարզապես այն պատճառով, որ տրամաբանորեն իմաստ ունի լուծել այն դիվանագիտականճանապարհով: Այդպես էլ պետք է լինի։
Կարծում եմ՝ նախագահը խոստովանել է, որ բաց է Իրանի հետ գործերը շտկելու հնարավորության համար, երբ այն նորից դառնա հիանալի երկիր՝ զերծ պատժամիջոցներից, եւ կարողանա զարգացնել իր տնտեսությունը: Նրանց տնտեսությունը ժամանակին մեծ էր: Նրանց խեղդամահ են անում։ Այսօր նրանց խեղդամահ են անում։ Դրա կարիքը չկա։ Նրանք կարող են միանալ լեգալ պետություններին, եւ մենք կարող ենք ավելի լավ հարաբերություններ հաստատել եւ զարգացնել դրանք: Եվ դա այն է, ինչը նա ներկայացնում է, դա այն այլընտրանքն է, որը նա ներկայացնում է:
Կարծում եմ՝ նա ցանկանում է Իրանի հետ գործարք կնքել հարգանքով: Նա ցանկանում է նրանց հետ վստահալից հարաբերություններ կառուցել: Եվ սա նրա ցուցումն է իր վարչակազմին։ Եվ հուսով եմ, որ իրանցիները դրականորեն կընդունեն դա։ Ես, իհարկե, հուսով եմ, որ այդպես կլինի», – ավելացրել է Ուիթքոֆը:
Կիևը համաձայնել է երկրում նախագահական ընտրություններ անցկացնել:
Այս մասին ամերիկացի լրագրող Թակեր Կառլսոնի հետ հարցազրույցում ասել է ԱՄՆ նախագահի հատուկ բանագնաց Սթիվ Ուիթկոֆը:
Անդրադառնալով հարցին՝ ընտրությունների կլինե՞ն Ուկրաինայում ՝ նա դրական պատասխան է տվել. «Այո, կլինեն: Նրանք համաձայնել են դա անել: Ուկրաինայում ընտրություններ կլինեն»:
Հատուկ բանագնացը նաև ասել է, որ Զելենսկին և Անդրեյ Երմակը համաձայնել են, որ Ուկրաինան չի դառնա ՆԱՏՕ-ի անդամ:
Բաց մի թողեք
Սիդնեյում ահաբեկչությունը տեղի է ունեցել, երբ տեղի հրեական համայնքի ներկայացուցիչները տոնում էին ազգային «Խանուկա» տոնը
Ռուսաստանում գնդակահարվում են, բայց չեն ցանկանում պատերազմել Ուկրաինայի դեմ
Ես չեմ կառչում աթոռից, մենք պատրաստ ենք ընտրություններ անցկացնել, եթե անվտանգային իրավիճակը թույլ տա. Զելենսկի