Ապրիլի 8-ին Երևանում շտապօգնության մեքենայի վթարի հետևանքով տուժած բուժքրոջ առողջական վիճակում դրական դինամիկա կա։
Այս մասին տեղեկությունը փոխանցել է «Շտապօգնություն» ընկերության տնօրեն Ռուբեն Գրիգորյանը՝ նշելով, որ վարորդի վիճակը լավ է, քննարկվում է դուրսգրման հարցը։
«Բուժքրոջ վիճակում դրական դինամիկա կա, երեկվանից արդեն թոքերի արհեստական օդափոխության սարքից անջատել են, բայց դեռ վերակենդանացման բաժանմունքում է։ Քննարկվում է պալատ տեղափոխելու հարցը. գիտակցության է եկել»,- նշել է Գրիգորյանը:
Հիշեցնենք, որ ապրիլի 8-ին կանչի վայրից հետ գնալու ժամանակ՝ վաղ առավոտյան ժամը 6:00-ի սահմաններում, Թամանցիներ փողոցում շտապօգնության մեքենան բախվել է երկաթե էլեկտրասյանը։
Վթարի հետևանքով վարորդի կողքին նստած բժիշկը մահացել է, բուժքույրը՝ մարմնական վնասվածքներով տեղափոխվել հիվանդանոց։
Բաց մի թողեք
Եվրոպայում առողջապահության սպասման ժամանակը. ամենավատ երկրները
Ռուսաստանը պաշտոնապես հրաժարվեց սեքսոպաթոլոգներից
Կլիմայի փոփոխություն. Ինչպե՞ս են ջերմային ալիքները ազդում հղիությունների վրա ամբողջ Եվրոպայում