Եվ այսպես, եթե վարչապետ Փաշինյանը ցանկանում է Հայաստանը Ռուսաստանից վերակողմնորոշել և տանել Արևմուտք, ինչո՞ւ է քաղաքական լեռնագնացությամբ զբաղվում վիճելի Զանգեզուրում՝ 2020 թ․ կապիտուլյացիայի միակ չկատարած պայմանի՝ հայտնի 9-րդ կետի գոտում,- ֆեյսբուքի անհատական օգտահաշվում գրել է Ադրբեջանի արտաքին գործերի նախկին նախարար Թոֆիգ Զուլֆուգարովը։
Նախ, չափազանց կարևոր է գրառման ժամանակը, երկու օր առաջ եռամյա ընդմիջումից հետո Ադրբեջանի արտաքին գործերի նախարար Ջեյհուն Բայրամովը պաշտոնական այցով գտնվել է Մոսկվայում և ռուսաստանցի պաշտոնակից Լավրովի հետ բանակցություններ վարել։
Նույն օրը Հայաստանի կառավարությունը հավանություն է տվել TRIPP-ի օրինագծին։ Այն եզրակացության համար կուղարկվի Սահմանադրական դատարան։
Անցյալ տարվա օգոստոսի 8-ի վաշինգտոնյան քաղաքական համաձայնությունը, ըստ այդմ, մտնում է իրավական ինստիտուցիոնալացման փուլ։ Մանավանդ որ ԱՄՆ պետդեպարտամենտը գրեթե համաժամանկյա հաստատել է TRIPP+ ներդրումային ծրագիրը, որի գործադիր տնօրեն է նշանակվել ծագումով ռուսաստանցի ամերիկյան գործարար Կոնստանտին Սոկոլովը։
Պաշտոնական Բաքուն մինչ այդ ակնարկել է, որ Հայաստանը «ձգձգում է TRIPP-ի գործնականացումը»։ ԱՄՆ պետքարտուղար Մարկո Ռուբիոյի Երևան կարճատև այցից, Հայաստանի և Միացյալ Նահանգների կողմից հաջորդիվ իրականացրած գործնական քայլերից հետո, բնականաբար, ադրբեջանական կողմը պաշտոնական մակարդակներում շահարկումների հնարավորությունից զրկվել է։
Այդ պատճառով գործի է դրվել Զուլֆուգարովի «մասնավոր տեսակետի» խողովակը։ Ադրբեջանի նախկին արտգործնախարարը նույն գրառմամբ «իրազեկել՞ է, որ «հայտնի 9-րդ կետի կատարումը Փաշինյանին արգելել է Ռուսաստանը»։ Կարելի է ենթադրել, որ Ալիևը «կորցրած հնարավորության համար ափսոսում՞ է կամ Մոսկվայում Բայրամովին «անշնորհակալ՞ են անվանել։
Դա այնքան էլ էական չէ։ Զուլֆուգարովի գրառման կարևորությունը այն է, որ նա, թեկուզ ոչ բացահայտ, բայց շատ թափանցիկ ասում է, որ 2020թ․ նոյեմբերի 9-ի եռակողմ Հայտարարության 9-րդ կետը Սյունիքի օտարման մասին է։
Թե ինչո՞ւ է նա այդ բացառիկ հնարավորության համար ափսոսում, պարզ է։ Արտառոց է, թե ընդդիմությունը ինչո՞ւ էր նպատակադրվել Հայաստանի այդ «ընթացքը կանխել»։ Եվ արդյո՞ք «կանխումը վերջնականապես կանխված» է։
Բաց մի թողեք
Ալիևը Թրամփին անվանել է «իսկական խաղաղության մարդ», Պուտինին՝ «պատերազմի»
Սուտ TRIPP-ը ե՞րբ կմարմնավորվի
Իսրայելա-ադրբեջանական հարաբերություններում նույնպես խնդիրներ կառաջանան