Ադրբեջանում, Բաքվում, նոր սկանդալ է։ Կիզակետում տեղի բուժհաստատություններից մեկն է՝ Կենսաբանական բժշկության կլինիկան։ Հիվանդանոցի պացիենտներից մեկը մեղադրել է կլինիկայի աշխատակիցներին, որ իրեն ներարկում են կատարել արդեն օգտագործված ասեղով, ինչի հետեւանքով վարակվել է ինֆեկցիայով։
Բուժառուն տվյալ հիվանդանոց դիմել է միջողային ճողվածքի բուժման համար։ Բժիշկներից մեկը ներարկում է կատարել՝ օգտագործելով արդեն մեկ անգամ ներարկում կատարած ասեղ։ Բուժառուն վարակվել է վիրուսով։
Բողոքը ներկայացրել է կին բուժառուի ամուսինը։ Բուժառուի վիճակը գնահատվում է միջին ծանրության։ Նա բուժումը շարունակում է այլ հիվանդանոցում։ Բողոքը ներկայացնողը հայտարարել է, որ ունի տեսանյութեր եւ աուդիոնյութեր, որոնք հաստատում են իր բողոքի հիմնավորված լինելը։Հաղորդման մեջ ասվում է նաեւ, որ տվյալ ռեպորտաժի պատրաստման ժամանակ լրատվամիջոցի խումբը կլինիկայի ղեկավարության կողմից ենթարկվել է հարձակման։
Բաց մի թողեք
Ռուբեն Վարդանյանի գործով գանգատ է ներկայացվել Մարդու իրավունքների եվրոպական դատարան
Մխիթար Հայրապետյանը չի վերցնի պատգամավորական մանդատը. նա նախարարի պաշտոնում էլ չի մնա
Զինծառայող է մահացել. ՔԿ