Հռոմի պապից ավելի կաթոլիկներ, դուք էս քանի տարում հարսանիքի չե՞ք մասնակցել, չե՞ք պարել-ուրախացել. Հովհաննիսյան

Ռազմական փորձագետ Կարեն Հովհաննիսյանը «Ֆեյսբուք»-ի իր էջում գրել է, որ հայրենիք սիրելն ամենահեշտ ու անպատասխանատու գործն է:

Ըստ նրա՝ հայրենիքին պետք է տեր լինես, իսկ տեր լինելն արդեն թե՛ պատասխանատվություն է ենթադրում, թե՛ զոհողություն:

Նրա դիտարկմամբ՝ տարբերել է պետք «Հայրենասերին ու ՀայրենաՏԵՐԻՆ», դրանք տարբեր բաներ են։

«Մեկը՝ վերացական, մյուսը՝ իրական․․․: Տեր լինենք մեր Հայրենիքին գործով, մտքով, իսկ հենց պահը գա՝ նաև կյանքով ու առողջությունով»,- գրել է փորձագետը:

Ի հավելումն այս գրառման՝ մեկ այլ գրառմամբ Հովհաննիսյանը նկատել է. «Հռոմի պապից ավելի կաթոլիկներ, դուք էս քանի տարում հարսանիքի չե՞ք մասնակցել, կնունք, ծնունդ չե՞ք արել, չե՞ք պարել-ուրախացել»: