19/05/2024

Արդյո՞ք չարաշահում են պետպատվերի ինստիտուտը, կոռուպցիոն ռիսկեր կա՞ն. Ավանեսյան

«Առողջապահությունն ունի տարեկան բյուջե, որի շրջանակներում մենք արդեն իրականցնում ենք օֆերտայի սկզբունքով ֆինանսավորում և հերթագրումները իրականացվում են ոչ թե ամեն բժշկական կենտրոնի բյուջեի շրջանակներում, այլ ընդհանուր ծրագրին հատկացված բյուջերի շրջանակներում ամբողջ հանրապետության մասով»:

Այս մասին այսօր լրագրողների հետ զրույցում ասաց Առողջապահության նախարար Անահիտ Ավանեսյանը՝ անդրադառնալով պետպատվերի շրջանակում բժշկական ծառայություններ ստանալուն:

«Մենք արդեն իսկ 3 ամիսների շարժը գնահատել ենք ունենք որոշակի ծրագրերով տարեկան բյուջեից հավլյալ միջոցներ կարիք, այսօր քննարկելու ենք ֆինանսների նախարարի հետ և հասկանանք, թե ինչքան հավելյալ միջոցներ ենք հատկացնելու»,- ասաց Ավանեսյնաը:

Լրագրողի դիտարկմանը, թե շատ դեպքերում չարաշահում են պետպատվերի ինստիտուտը, գուցե նաև կոռուպցիոն ռիսկեր կան այդտեղ Ավանեսյանն արձագանքեց. «Ձեր ունեցած տվյալները կխնդրեմ հանձնել իրավապահ մարմիններին: Մեր էլեկտրոնային հավելվածի միջոցով քաղաքացիները տեսնում են, թե իրենց անունով ինչպիսի ծառայություններ են դուրս գրվում, և որքան միջոց է պետությունը հատկացնում այդ ծառայության համար, պետք է լինել աչալուրջ»: