Առողջապահության համաշխարհային կազմակերպությունը հայտնել է, որ կապիկի ծաղիկ կամ mpox հիվանդության վարակման 3100 դեպք է գրանցվել ընթացիկ տարում ամբողջ աշխարհում։
2022 թվականից սկսած՝ այդ հիվանդությամբ վարակվածների թիվը հասել է 97 հազարի։ Հիվանդությամբ վարակման դեպքեր գրանցվել են աշխարհի 117 երկրում։ ԱՀԿ մասնագետները այն համարում են սպառնալիք գլոբալ առողջապահական համակարգի համար։ Մայիսին աշխարհի 26 երկրում վարակման 600 դեպք է գրանցվել։ Վարակման դեպքերը հատկապես աճում են Աֆրիկայում։
Հիշեցնենք, որ այս հիվանդության՝ կենդանուց մարդուն փոխանցման առաջին դեպքը գրանցվել է 1970 թվականին՝ Կոնգոյի Դեմոկրատական Հանրապետությունում։ Կապիկի ծաղիկը մարդուն փոխանցվում է կրծողներից կամ պրիմատներից։ Մարդուց մարդ փոխանցումը հազվադեպ է լինում։ Մահացությունը այս հիվանդությունից կազմում է բռնկման ընթացքում մինչեւ 10 տոկոս։
Բաց մի թողեք
«Ժամկետնանց դեղերի վաճառք»․ հսկողություն՝ «Էմիլի ֆարմ» դեղատնային ցանցի մասնաճյուղերում
Աղիքային վարակին բնորոշ գանգատներով բուժօգնության է դիմել 6 քաղաքացի
Առողջապահական ապահովագրություն կամ «ձրի օպերացիա» փուչիկը