Իրանում Ադրբեջանի դեսպանատունը կվերսկսի աշխատանքը առաջիկա 15-20 օրվա ընթացքում։
Ինչպես հաղորդում են իրանական լրատվամիջոցները, այս մասին հայտարարել է Իրանի ԱԳՆ Եվրասիայի գլխավոր տնօրինության ղեկավար Մուջթաբա Դեմիրչիլուն։
Նա նաև նշել է, որ պաշտոնական Թեհրանը դեռ չի նշանակել Ադրբեջանում Իրանի նոր դեսպան։
Նրա խոսքով՝ դեսպանի նշանակման հարցը կդիտարկվի երկրում նոր կառավարության ձևավորումից հետո։
Հիշեցնենք՝ 2023 թվականի հունվարի 27-ի առավոտյան զինված հարձակում էր տեղի ունեցել Իրանում Ադրբեջանի դեսպանատան վրա։ Հարձակվողը ճեղքել էր դիվանագիտական ներկայացուցչության անվտանգության կետը և Կալաշնիկով ինքնաձիգով սպանել անվտանգության ծառայության ղեկավարին։
Հարձակումը հետ մղելիս վիրավորվել էին դեսպանատան անվտանգության ևս երկու աշխատակից։ Այս միջադեպից հետո դիվանագիտական առաքելությունը դադարեցրել էր իր գործունեությունը Թեհրանում։
Բաց մի թողեք
Էքզիթ-փոլեր. Գերմանիայի ծայրահեղ աջ AfD-ն հստակ առաջատար է Սաքսոնիա-Անհալթի ընտրություններում
«Հակարիի կամրջի մոտ ադրբեջանցիներն ուզում են առաջանալ, հայ սահմանապահները չեն թողնում․ կրակոցներ չկան, միայն լեզվակռիվ է»․ Կոռնիձորի վարչական ղեկավար
Գերմանիայի արևելքում ընտրատեղամասերի բացման հետ մեկտեղ ծայրահեղ աջակողմյան AfD-ն առաջատար դիրք է գրավում