Թուրքիան պատրաստվում է զգալի քայլեր ձեռնարկել իր օդուժի դիվերսիֆիկացման ուղղությամբ։
Դեկտեմբերի 18-ին երկու միավոր «Eurofighter Typhoon» կործանիչ կմատակարարվի Թուրքիա։ Այդ ժամանակակից կործանիչներից 40 միավոր ձեռքբերմանն ուղղված բանակցությունների շրջանակներում առաջին երկու կործանիչների շուրջ համաձայնություն է ձեռք բերվել։
Այս մասին հայտնել է Ermenihaber-ը:
Թուրքիայի պաշտպանության նախարար Յաշար Գյուլերն ընդգծել է բանակցությունների դրական առաջընթացը և նշել, որ Միացյալ Թագավորությունից «Eurofighters» կործանիչների ձեռք բերումը Թուրքիային թույլ կտա մոտիկից գնահատել դրա հնարավորությունները։
«Eurofighters» կործանիչների գնումը դիտվում է որպես ռազմական բալանսը փոխող գործոն Թուրքիայի համար՝ ամրապնդելով նրա կարողությունը հատկապես Արևելյան Միջերկրականում առկա տարաձայնությունների համատեքստում։
Թուրքիան զարգացնում է նաև իր ներքին ավիացիոն հնարավորությունները այնպիսի նախագծի միջոցով, ինչպիսին «KAAN»-ն է՝ հինգերորդ սերնդի կործանիչների արտադրության նախաձեռնությունը:
Բաց մի թողեք
ԵՄ պաշտպանության գործակալությունը կավելացնի աշխատակիցների թիվը՝ զենքի գնման խթանման ֆոնին
«Գաղափար անգամ չունեի, որ դա տեղի կունենա». Պենտագոնի պաշտոնյաները ապշած են Լեհաստանում զորքերի վերաբերյալ Հեգսեթի որոշումից
Մելոնիի արդարադատության նախարարությունը խառնաշփոթի մեջ է, քանի որ Բեռլուսկոնիի դարաշրջանի սկանդալը կրկին ի հայտ է գալիս