Հարավային Կորեայում ուժային կառույցի 150 աշխատակցի չի հաջողվել ձերբակալել նախկին նախագահ Յուն Սեոկ Յոլին։
Հարավային Կորեայի պաշտոնանկ արված նախագահի կողմնակիցները խափանել են ոստիկանների՝ նրան ձերբակալելու փորձը:
Հարավային Կորեայի նախագահի ձերբակալությունը «գործնականում անհնարին» է ստացվել։ Իրավիճակը փակուղի է մտել, երբ ոստիկանությունը փորձել է ներխուժել ցուցարարների բազմության միջով Յոլի՝ Սեուլի նստավայրի տարածք։ Քննիչները որոշել են դադարեցնել պաշտոնանկ արված նախագահի ձերբակալման հրամանի կատարումը, գրել են ԶԼՄ-ները։
Դեկտեմբերի 31-ին դատարանը կալանքի որոշում էր կայացրել Յոլի նկատմամբ՝ կապված երկրում ռազմական դրություն մտցնելու հետ։ Նա մեղադրվում է իշխանության չարաշահման և ապստամբություն կազմակերպելու համար։
«Ձերբակալումը, մեր գնահատմամբ, անհնար է համառ դիմադրության պատճառով», – հայտնել է Հարավային Կորեայի կոռուպցիայի հետաքննության բյուրոն:
Բաց մի թողեք
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը
ԵՄ-ն ստուգում է՝ արդյոք Booking.com-ը բավարար միջոցներ ձեռնարկո՞ւմ է կեղծ հայտարարությունների և ֆիշինգային խարդախությունների դեմ պայքարելու համար
Լիտվայում հայտնաբերվել է սինթետիկ թմրամիջոցների խոշոր լաբորատորիա, որը ղեկավարել է Նիդերլանդների քաղաքացի