Բելառուսի ներկայիս ղեկավար Ալեքսանդր Լուկաշենկոն քվեարկել է երկրի նախագահական ընտրություններում։
Լուկաշենկոն ավանդաբար քվեարկել է թիվ 1 ընտրատեղամասում, որը տեղակայված է Բելառուսի ֆիզիկական դաստիարակության պետական համալսարանում` Մինսկում։ Նա ներկայացել է սիրելի շան՝ Ումկա մականունով շպիցի հետ:
Մինչ իր քվեաթերթիկը ստանալը Լուկաշենկոն ջերմ զրույց է ունեցել ընտրական հանձնաժողովի անդամների հետ, իսկ մինչ Լուկաշենկոն քվեարկում էր, շունը շրջել է ընտրատեղամասում և անգամ միզել սյան մոտ:
Բելառուսում մեկնարկել են 7-րդ նախագահական ընտրությունները. քվեարկության հիմնական օրը երկրի տարածքում գործում է ավելի քան 5,300 ընտրատեղամաս։
Պետության ղեկավարի պաշտոնին հավակնում է 5 թեկնածու, այդ թվում՝ ներկայիս նախագահ Ալեքսանդր Լուկաշենկոն, որը երկիրը ղեկավարում է ավելի քան 30 տարի։
Քվեարկությունը սկսվել է տեղական ժամանակով ժամը 08:00-ին և կավարտվի 20:00-ին: Ընտրելու իրավունք ունի Բելառուսի մոտ 6,9 մլն քաղաքացի։
Բաց մի թողեք
«Կյամ գանգդ կոտրիմ հատե տըղ» կամ՝ Սամվել Շահրամանյանի ցինիզմի, երախտամոռության «մաստեր կլասսը»
Թրամփ-Պուտին հեռախոսազրույց է տեղի ունեցել. Ուկրաինայում պատերազմը դադարեցնելու բանակցություններ կսկսվեն
Մեր ադրբեջանցի եղբայրներն ուսումնասիրում են՝ «Զանգեզուրի միջանցքը» կանցնի ՀՀ-ի, թե Իրանի տարածքով. Ուրալօղլու