Քաղաքացին կարող է գտնել խորհրդականի, գլխավոր տնօրենի, բաժնի պետի, ինչպես նաև մանկավարժի, բժշկի, հաշվապահի, հոգեբանի, դաստիարակի, խոհարարի և մի շարք այլ մասնագիտություններով աշխատանք՝ ինչպես պետական համակարգում, այնպես էլ մասնավոր հատվածում՝ e-work.am հարթակում․ աշխատավարձի չափը՝ մի քանի հարյուր հազարից մինչև ավելի քան մեկ միլիոն դրամ։
Այս մասին հայտնել է ՀՀ աշխատանքի և սոցիալական հարցերի նախարարությունը:
Փետրվարի 10-ի դրությամբ՝ e-work.am-ում հրապարակվել է 737 թափուր աշխատատեղի հայտ․ գրանցվել է 2814 ֆիզիկական անձ։
Հարթակից կարող են անվճար օգտվել բոլորը՝ և՛ աշխատանք փնտրող անձինք, և՛ գործատուները։
Աշխատանք փնտրողները հնարավորություն ունեն ծանոթանալ Երևանում ու մարզերում առկա թափուր աշխատատեղերին, ստեղծել իրենց ինքնակենսագրականը և գտնել իրենց մասնագիտական կարողություններին համապատասխան աշխատանք՝ ուղիղ կապ հաստատելով գործատուների հետ։
Գործատուները կարող են հարթակում տեղադրել իրենց կազմակերպությունում առկա թափուր հաստիքների վերաբերյալ հայտարարություններ, ծանոթանալ տարբեր ոլորտներում աշխատանք փնտրող անձանց ինքնակենսագրականներին և գտնել անհրաժեշտ մասնագիտական որակներին համապատասխան աշխատակից։
Բաց մի թողեք
Խոշոր ավտովթար՝ Սյունիքի մարզում․ բախվել են «Կամազ»-ը և «Kia Forte»․ բժիշկները պայքարում են վերջինի վարորդի կյանքի համար․ Լուսանկար
Արտառոց դեպք՝ Կոտայքի մարզի գյուղերից մեկում. 13-ամյա տղան ընկերների հետ պահմտոցի խաղալիս մտել է էլեկտրակայան որտեղ էլ հոսանքահարվել է
Վթար՝ Սարավանում, արգելապատնեշը մխրճվել է մեքենայի մեջ, վարորդի դուստրը վիրավորվել է․ Լուսանկար