Ուկրաինան ստացել է Մեծ Բրիտանիայի առաջին տրանշը, որը ձևավորվել է ռուսական սառեցված ակտիվներից ստացված եկամուտների հաշվին։ «Տելեգրամ»-ի իր ալիքում այս մասին հայտարարել է Ուկրաինայի վարչապետ Դենիս Շմիգալը։
Գումարի չափը կազմել է 752 միլիոն ֆունտ ստերլինգ (մոտ 971 միլիոն ԱՄՆ դոլար) և փոխանցվել է Extraordinary Revenue Acceleration for Ukraine (ERA) ծրագրի շրջանակներում։
Շմիգալը նշել է, որ ստացված միջոցները ուղղվելու են Ուկրաինայի պաշտպանունակության ամրապնդմանը, և շնորհակալություն է հայտնել G7-ի գործընկերներին՝ «այն մեխանիզմի համար, որը ստիպում է ռուսական միջոցներն աշխատել Ուկրաինայի համար»։
Ուկրաինայի վարչապետը հավելել է, որ Կիևը հույս ունի, որ ապագայում ռուսական բոլոր սուվերեն ակտիվները կբռնագրավվեն և կփոխանցվեն Ուկրաինայի օգտին։
«Սա կարևոր քայլ է, որը ցույց է տալիս, որ ագրեսորը պետք է վճարի իր գործողությունների համար։ Մենք շարունակելու ենք աշխատել մեր միջազգային գործընկերների հետ, որպեսզի այս գործընթացը ամբողջական լինի», – ընդգծել է Շմիգալը։
Բաց մի թողեք
Պուտինն ու Զելենսկին պետք է ինքնուրույն լուծեն իրենց խնդիրները, ես եմ նրանց հասցրել այս կետին․ Թրամփ
Միջանկյալ ընտրություններ. Պիչերոնոն կմնա պաշտոնում՝ չնայած սոցիալիստների կողմից հրաժարական տալու ճնշմանը
ՆԱՏՕ-ի դաշնակիցները քննարկում են Ուկրաինային 70 միլիարդ եվրոյի ռազմական օգնության նոր խոստումը