Նախօրեին՝ մարտի 23-ին, Էր Ռիադում տեղի են ունեցել Կիևի և Վաշինգտոնի պատվիրակությունների միջև հերթական բանակցությունները:
Այս մասին հայտնել է Ուկրաինայի պաշտպանության նախարար Ռուստեմ Ումերովը։ Մինչ այդ, նախարարն ասել էր, որ բանակցությունների սեղանին, մասնավորապես, առաջարկներ են էներգետիկ օբյեկտների և ենթակառուցվածքների անվտանգության վերաբերյալ։
Ումերովի խոսքով, գրեթե 4 ժամ տևած քննարկումն արդյունավետ է եղել և վերահաստատել, որ այն կենտրոնացել է առանցքային հարցերի վրա, մասնավորապես՝ էներգետիկայի ոլորտում։
Ուկրաինայի նախագահ Վլադիմիր Զելենսկու գրասենյակի ղեկավարի տեղակալ Պավլո Պալիսան ՌԻԱ Նովոստի-ին հրաժարվել է մեկնաբանել բանակցությունների ընթացքը։
Նա միայն հայտնել է, որ ուկրաինական պատվիրակությունը Ռիադում չի հանդիպի ռուսականի հետ։
Կադրեր, թե ինչպես է ուկրաինական պատվիրակությունը հեռանում Էր Ռիադում ԱՄՆ պաշտոնյաների հետ հանդիպումից.
Հիշեցնենք՝ այսօր նախանշված է նաև ռուսական և ամերիկյան պատվիրակությունների բանակցությունների հերթական փուլը:
Բաց մի թողեք
«Միայն հիմարները կամ դավաճանները կարող են ուրախանալ». Ինչպես է արձագանքել Գերմանիայում ընտրություններին Տուսկը
Գերմանիան և Իտալիան արգելափակել են Կալլասի կողմից պաշտպանական խումբ ստեղծելու գաղափարը
Քաղաքական ցնցում՝ Գերմանիայում․ Մերցն ընդունել է իր կուսակցության պարտությունը