Թրամփը Զելենսկիին սպառնում է մեծ խնդիրներով` գործարքից հրաժարվելու դեպքում

ԱՄՆ նախագահ Դոնալդ Թրամփը հայտարարել է, որ Վլադիմիր Զելենսկին մեծ դժվարությունների մեջ կհայտնվի, եթե փորձի դուրս գալ հազվագյուտ մետաղների գործարքից, գրել են ԶԼՄ-ները։

«Եթե նա [Զելենսկին] դա անի, ապա որոշ խնդիրներ կունենա․ մեծ, մեծ խնդիրներ»,- ասել է Թրամփը։

Ավելի վաղ Սպիտակ տան ղեկավարը հայտարարել էր, որ Զելենսկին ցանկանում է հրաժարվել հազվագյուտ հանքանյութերի գործարքից։

Ռուսաստանի և Ուկրաինայի միջև բանակցություններն ընթանում են թշնամական միջավայրում, այս մասին լրագրողների համար ճեպազրույցի ժամանակ հայտարարել է ԱՄՆ նախագահ Դոնալդ Թրամփը, փոխանցում է ՏԱՍՍ-ը։

«Մենք առաջընթաց ենք գրանցում, բայց կողմերի միջև շատ վատ կամք կա»,- ասել է ամերիկացի առաջնորդը։

Նրա խոսքով՝ Ռուսաստանի և Ուկրաինայի նախագահների միջև կա «ահռելի ատելություն»։ Միաժամանակ Թրամփը հույս է հայտնել, որ տարաձայնությունները հնարավոր կլինի հաղթահարել։