Հրազդանում 40-ամյա հրուշակագործ Սյուզաննա Պ-ն մահացած է հայտնաբերվել։
Լուրի հրապարակումից հետո համացանցը ողողվեց տարատեսակ լուրերով ու վարկածներով, որոնք պարունակում էին խիստ նեղ անձնական տարրեր և շատ հակասական էին, երբեմն անգամ կենցաղային խոսակցությունների մակարդակով։
Իհարկե, այդ վարկածները մենք կրկին չենք շրջանառի՝ հարգելով մահացածի անձնական կյանքը և հաշվի առնելով, որ նա երեխաներ ունի, ընտանիքի անդամներ, որոնք շարունակելու են ապրել այս հասարակությունում։
Այնուամենայնիվ, ևս մեկ անգամ հիշեցնենք պաշտոնական արձագանքը դեպքին, ըստ որի՝ 40-ամյա կնոջ մահվան դեպքով նախաձեռնված է վարույթ ՔՕ֊ի 162֊րդ հոդվածի 1-ին մասով։
Նշված հոդվածը վերաբերում է անձին ինքնասպանության հասցնելուն։ Առաջին մասում, մասնավորապես, նշված է․
«Սպառնալիքի, դաժան վերաբերմունքի կամ արժանապատվությունը նվաստացնելու եղանակով անձին անզգուշությամբ ինքնասպանության կամ ինքնասպանության փորձի հասցնելը՝ պատժվում է ազատության սահմանափակմամբ առավելագույնը երկու տարի ժամկետով, կամ կարճաժամկետ ազատազրկմամբ առավելագույնը երկու ամիս ժամկետով, կամ ազատազրկմամբ առավելագույնը երկու տարի ժամկետով»։
Բաց մի թողեք
Հայաստան է ժամանել օրենքով գող Մեհրաբ Քալաշովը, «Զվարթնոց»-ի ոստիկանապետի ցուցումով մուտքը չի արգելվել․ Լուսանկար
Համայնքի ղեկավարի կեղծ տեղեկանքներով մի շարք անձինք ազատվել են ՊՆ 25-օրյա հավաքներից. նախաձեռնվել է վարույթ
Երեխան մոլորվել է, փորձելով գտնել հարազատներին՝ քայլել դեպի Լանջազատ. ՆԳՆ-ն նոր մանրամասներ է հայտնել