Թուրքիայի նախագահ Ռեջեփ Թայիփ Էրդողանը ընդդիմադիր Ժողովրդահանրապետական կուսակցությանը (CHP) մեղադրել է Ստամբուլի կալանավորված քաղաքապետ Էքրեմ Իմամօղլուի դեմ հակակոռուպցիոն հետաքննությանը խոչընդոտելու փորձի մեջ։
«Դատական իշխանության պարտքն է թուրք ազգի անունից կոտրել այս կեղտոտ ձեռքերը,- ասել է Էրդողանը,-Ժամանակի ընթացքում հանրությունը կտեսնի, թե որքանով է տարածվում այս (կոռուպցիոն) ցանցը, որը բաղեղի պես աճել է Ստամբուլի շուրջը», – մեջբերում է Reuters-ը նրա խոսքերը։
«Ինչ էլ որ անեք, չեք կարող խոչընդոտել արդարադատության իրականացմանը», – ասել է Թուրքիայի ղեկավարը։
Նախօրեին ընդդիմադիր խոշորագույն կուսակցությունը հայտարարեց, որ արտահերթ նախագահական ընտրությունների անցկացման համար ստորագրահավաք է սկսում։ ԺՀԿ-ի կողմնակիցները նոր նախագահական ընտրությունների օր են նշանակել նոյեմբերը։
Բաց մի թողեք
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը
ԵՄ-ն ստուգում է՝ արդյոք Booking.com-ը բավարար միջոցներ ձեռնարկո՞ւմ է կեղծ հայտարարությունների և ֆիշինգային խարդախությունների դեմ պայքարելու համար
Լիտվայում հայտնաբերվել է սինթետիկ թմրամիջոցների խոշոր լաբորատորիա, որը ղեկավարել է Նիդերլանդների քաղաքացի