ԱԺ նախագահ Ալեն Սիմոնյանն անդրադարձել է նախօրեին ՀՀԿ-ի հիմնադրման 35-ամյակին նվիրված հոբելյանական նիստում Հայաստանի երրորդ նախագահ Սերժ Սարգսյանի հնչեցրած մեղադրանքներին:
«Կարծում եմ՝ որոշել է միավորներ հավաքել Ռոբերտ Քոչարյանի հետ բանավեճում: Գիտե՞ք ինչ. ինքը երբ մեր մասին վատ բան է ասում, մեր վարկանիշը բարձրանում է:
Ես նույնիսկ առաջարկում եմ պարոն Սարգսյանին հաջորդ ընտրություններին իր դեմքով արդեն հանդես գալ, մասնակցել բանավեճի Հանրային հեռուստատեսությամբ, որը նախատեսված է օրենքով քարոզարշավ անցկացնել:
Ինչ վերաբերում է այդ բառերին՝ «կապիտուլյանտ» և այլն, դրանք մերժվածի խոսքեր են: Նախ՝ ինքը հայ ազգի կողմից մերժված եզակի անձնավորություն է, երկրորդ՝ «կապիտուլյանտն» էլ է ինքը:
ՀՀ շահի մասին խոսելով՝ իր մերձավոր շրջապատի, իր փեսաների բարեկեցությունն է ավելացել, ոչ թե բանակի, որ ինքը 80-ականների զենքերով էր զինվում, բայց իրենք շրջում էին 2007 թվականի ջիպերով ու ապրում էին դղյակներում: Ամոթ է,- ասել է Սիմոնյանը՝ Սարգսյանին խորհուրդ տալով նայել հայելու մեջ ու ամաչել իր անցած ճանապարհից:
Հարցին՝ ինչ է նկատի ունեցել Սերժ Սարգսյանը՝ ասելով, որ ինքը և իր գլխավորած քաղաքական ուժը՝ ՀՀԿ-ն, բոլոր հնարավորություններով աջակցելու են ՔՊ-ին իշխանությունից հեռացնելու նպատակը հետապնդող ցանկացած նախաձեռնության, Սիմոնյանն ասաց. «Չգիտեմ, ինչին ուզում է, թող միանա»:
Բաց մի թողեք
Սերժ Սարգսյանը Կարեն Կարապետյանի միջոցով փորձել էր պայմանավորվել հրաժարական տալ աշնանը, մերժում էր ստացել. Հարությունյան
Հայաստանում կա՞ գենդերային խտրականություն, թե՞ ոչ․ նախարարները միմյանց հետ համաձայն չեն
Ցեղասպանության զոհերի հիշատակը մանիպուլացնողի որ տեղին պետք ա լինի գիտությունը. Ղազարյան